ട്രെയിനില്‍ യാത്രക്കാരനെ കുത്തിപ്പരിക്കേല്‍പ്പിച്ചത് സ്ത്രീകളെ ശല്യം ചെയ്തത് ചോദ്യം ചെയ്തപ്പോളെന്ന് ആക്രമിക്കപ്പെട്ടയാൾ . മദ്യലഹരിയിലായിരുന്ന സിയാദ് കമ്പാര്‍ട്ട്‌മെന്റിലെ സ്ത്രീകളെ ശല്യം ചെയ്യുകയും ബഹളം ഉണ്ടാക്കുകയും ചെയ്തു. ഇത് ചോദ്യം ചെയ്തതിനാണ് സിയാദ് അക്രമിച്ചത്.
ഷൊര്‍ണ്ണൂറില്‍ മരുസാഗര്‍ എക്‌സ്പ്രസിലാണ് സംഭവം . പരപ്പനങ്ങാടി സ്വദേശി ദേവദാസിനാണ് കുത്തേറ്റത്. ചില്ല്കുപ്പികൊണ്ടാണ് സിയാദ് കുത്തിയത്്. കണ്ണിന് സമീപത്ത്് പരുക്കേറ്റ ദേവദാസ് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലാണ്.
അതേസമയം അക്രത്തില്‍ സിയാദിന്റെ കൈയ്ക്കും പരിക്കേറ്റു. അക്രമത്തിന് ശേഷം രക്ഷപ്പെടാന്‍ ശ്രമിച്ച സിയാദിനെ ആര്‍.പി.എഫ്. പിടികൂടി. ഗുരുവായൂര്‍ സ്വദേശിയാണ് സിയാദ്. ഞാറാഴ്ച രാത്രി മരുസാഗര്‍ എക്‌സ്പ്രസ് ഷൊര്‍ണ്ണൂരില്‍ എത്തിയപ്പോഴാണ് ആക്രമണം.
ആലുവയില്‍ നിന്നാണ് ഇയാള്‍ ട്രെയിനില്‍ കയറിയത്. സിയാദ് നിരവധിക്കേസുകളില്‍ പ്രതിയാണ്. തൃശ്ശൂര്‍ ഈസ്റ്റ് , ഗുരുവായൂര്‍, പാവരട്ടി എന്നീ സ്റ്റേഷനുകളില്‍ ഇയാള്‍ക്കെതിരെ കേസുണ്ട്.