പാലക്കാട്ടെ പൊലീസ് റെയ്ഡ് സിപിഎം- ബിജെപി ഡീൽ ഉറപ്പിച്ചതിന്റെ ലക്ഷണമാണെന്ന് എഐസിസി ജനറല്‍ സെക്രട്ടറി കെസി വേണുഗോപാല്‍. ബിജെപിയുടെ തിരക്കഥയിൽ പിണറായി വിജയൻ സംവിധാനം ചെയ്ത സംഭവമാണ് പാലക്കാട് നടന്നതെന്നും കെസി വേണുഗോപാല്‍ പറഞ്ഞു. എന്ത് അടിസ്ഥാനത്തിലാണ് വനിത പൊലീസ് ഇല്ലാതെ റെയ്ഡിന് കടന്ന് ചെല്ലാൻ പൊലീസ് തയ്യാറായതെന്നും കെസി വേണുഗോപാല്‍ ചോദിച്ചു.
കേട്ടുകേൾവി ഇല്ലാത്ത ഹൃദയഭേദകമായ സംഭവങ്ങൾ ആണ് പാലക്കാട് നടന്നത്. എവിടെ നിന്നാണ് പാതിരാത്രി റെയ്ഡ് നടത്താൻ ഉത്തരവ് വന്നത്. പൊലീസ് എത്തുമ്പോൾ ബിജെപി സിപിഎം നേതാക്കൾ ഒരുമിച്ച് ഉണ്ടായിരിന്നു. ഇത് മാപ്പ് അർഹിക്കാത്ത കുറ്റമാണെന്നും ഏത് രാജ്യത്താണ് ഇതൊക്കെ നടക്കുന്നതെന്നും കെ സി വേണുഗോപാൽ ചോദിച്ചു.
നിയമപരമായും രാഷ്ട്രീയപരമായും ഇതിനെ ചെറുത്ത് തോൽപ്പിക്കുമെന്നും വി ഡി സതീശൻ പറഞ്ഞു. കൊടകര കുഴൽ പണ കേസ് മറച്ചു പിടിക്കാനാണ് ഈ ശ്രമങ്ങൾ. ബിജെപി നടത്തിയ ഹവാല കുംഭകോണത്തെ മറച്ച് പിടിക്കാൻ ആണ് ശ്രമം. പാലക്കാട് പോലീസ് ബിജെപിയുമായി ചേർന്ന് നടത്തുന്നത് ആണ് ഈ ശ്രമങ്ങൾ. ത്രിശൂർ ഡിൽ പാലക്കാട് ആവർത്തിക്കാനാണ് ശ്രമം. ഇത് അത്യന്തം ഗൗരവകരമാണെന്നും പിണറായി വിജയന്‍റെ അറിവോടെയാണ് ഈ നടപടികളെന്നും കെ സി വേണുഗോപാൽ പറഞ്ഞു.