ഇരുപതുവര്‍ഷമായി ആള്‍ താമസമില്ലാത്ത വീട്ടില്‍നിന്ന് തലയോട്ടിയും അസ്ഥികൂടത്തിന്റെ ഭാഗങ്ങളും കണ്ടെത്തി. എറണാകുളം ചോറ്റാനിക്കര പൈനിങ്കല്‍ പാലസ് സ്‌ക്വയറിലെ വീട്ടിനുള്ളില്‍ നിന്നാണ് ഇവ കണ്ടെത്തിയത്.
സാമൂഹികവിരുദ്ധരുടെ ശല്യമെന്ന പരാതിയെത്തുടര്‍ന്ന് പൊലീസ് നടത്തിയ പരിശോധനയിലാണ് അസ്ഥികൂടം കണ്ടെത്തിയത്. ഉപയോഗശൂന്യമായ ഫ്രിഡ്ജിന്റെ ഉള്ളില്‍ നിന്നാണ് അസ്ഥികൂടത്തിന്റെ ഭാഗങ്ങള്‍ കണ്ടെത്തിയതെന്ന് പൊലീസ് പറഞ്ഞു.
സ്ഥലത്ത് പൊലീസ് പരിശോധന നടത്തി വരികയാണ്. വിശദമായ അന്വേഷണം നടത്തുമെന്ന് പൊലീസ് പറഞ്ഞു. കൊച്ചിയില്‍ താമസിക്കുന്ന മംഗലശേരിയില്‍ ഡോ.ഫിലിപ് ജോണിന്റെ ഉടമസ്ഥതയിലുള്ളതാണ് ഈ വീട്.