കൊല്ലം ശക്തികുളങ്ങരയില്‍ സ്വകാര്യ ആശുപത്രിക്കു പിന്നിലെ റോഡില്‍ കവറിലാക്കി ഉപേക്ഷിച്ചനിലയില്‍ രണ്ടു തലയോട്ടികള്‍ കണ്ടെത്തി. ഞായറാഴ്ച രാവിലെ ഒന്‍പതോടെ കോര്‍പ്പറേഷനിലെ ശുചീകരണ ജോലിക്കാര്‍ കാട് വൃത്തിയാക്കുന്നതിനിടെയാണ് തലയോട്ടികള്‍ കണ്ടത്.
പൊലീസും ഫൊറന്‍സിക് വിദഗ്ധരും സ്ഥലത്തെത്തി പരിശോധന നടത്തി. വര്‍ഷങ്ങള്‍ പഴക്കമുള്ള തലയോട്ടികള്‍ മെഡിക്കല്‍ വിദ്യാര്‍ഥികള്‍ പഠനാവശ്യത്തിന് ഉപയോഗിച്ചശേഷം ഉപേക്ഷിച്ചതാകാമെന്നാണ് പൊലീസിന്റെ പ്രാഥമിക നിഗമനം.
വിദഗ്ധ പരിശോധനയ്ക്കായി തലയോട്ടികള്‍ പാരിപ്പള്ളി മെഡിക്കല്‍ കോളേജ് ആശുപത്രിയിലേക്കു കൊണ്ടുപോയി.
