ലോക്‌സഭ തിരഞ്ഞെടുപ്പ് ഫലങ്ങള്‍ പുറത്തുവരുമ്പോള്‍ മൂന്ന് മുന്നണികളുടെയും ഇഞ്ചോടിഞ്ച് പോരാട്ടം ആറ്റിങ്ങലില്‍. നേരിയ വ്യത്യാസത്തിലാണ് മൂന്ന് മുന്നണികളുടെയും സ്ഥാനാര്‍ത്ഥികളുടെ വോട്ട് നില. സംസ്ഥാനത്ത് ശക്തമായ ത്രികോണ മത്സരത്തിന് വേദിയാകുകയാണ് ആറ്റിങ്ങല്‍ മണ്ഡലം.
വോട്ടെണ്ണലിന്റെ ആദ്യഘട്ടം മുതല്‍ എല്‍ഡിഎഫിന്റെയും യുഡിഎഫിന്റെയും ലീഡ് നില മാറി വരുന്ന കാഴ്ചയാണ് മണ്ഡലത്തിലുള്ളത്. നിലവില്‍ യുഡിഎഫ് സ്ഥാനാര്‍ത്ഥി അടൂര്‍ പ്രകാശ് ആണ് മുന്നിലുള്ളത്. 975 വോട്ടിനാണ് അടൂര്‍ പ്രകാശിന്റെ മുന്നേറ്റം. 105402 വോട്ടുകള്‍ നേടിയാണ് യുഡിഎഫിന്റെ മുന്നേറ്റം.
എന്നാല്‍ 1,05,271 വോട്ടുകളുമായി തൊട്ടുപിന്നില്‍ എല്‍ഡിഎഫിന്റെ സ്ഥാനാര്‍ത്ഥി വി ജോയ് നിലയുറപ്പിച്ചിട്ടുണ്ട്. അതേസമയം മൂന്നാം സ്ഥാനത്തുള്ള വി മുരളീധരന്‍ ഒരു ലക്ഷത്തിനോട് അടുത്ത് വോട്ടുകള്‍ നേടിയിട്ടുണ്ട്. 98,635 വോട്ടുകളുമായാണ് മുരളീധരന്‍ മൂന്നാം സ്ഥാനത്തുള്ളത്.
