കോണ്‍ഗ്രസ് അധ്യക്ഷ സ്ഥാനത്തേക്ക് മത്സരിക്കുന്ന ശശി തരൂര്‍ എംപിക്ക് വിമാനത്തിനുള്ളില്‍ സ്നേഹ സ്വീകരണം. തിരുവന്തപൂരത്തിലേക്കുള്ള യാത്രയിലാണ് കുട്ടികളടക്കമുള്ളവർ തരൂരിന് ചുറ്റും സെൽഫിക്കായി ഒത്തുകൂടിയത്. യാത്രയിൽ കൂടുതൽ സമയവും സെൽഫിയെടുത്ത് തന്നെ നീങ്ങിയപ്പോൾ, ആരെയും തരൂർ നിരാശരാക്കിയില്ല.
ക്യാപ്റ്റൻ ഇന്ദ്രപ്രീത് സിങ് തരൂരിനെ വിമാനത്തിനുള്ളിൽ സ്വാഗതം ചെയ്തപ്പോൾ യാത്രക്കാരെല്ലാം കൈയടികളോടെ അദ്ദേഹത്തെ വരവേറ്റു. തനിക്ക് ലഭിച്ച സ്വീകരണത്തിനും സ്നേഹത്തിനും നന്ദി പറഞ്ഞുകൊണ്ടുള്ള ട്വിറ്റർ പോസ്റ്റിന് ഇൻഡിഗോ മറുപടിയും നൽകിയിട്ടുണ്ട്.
” വാക്കുകളുടെ മാന്ത്രികൻ ഞങ്ങളുടെ കൂടെ യാത്ര ചെയ്തതതിന് നന്ദി” ഇതാണ് ഇൻഡിഗോ നൽകിയ മറുപടി. അതേസമയം വിമാനത്താവളത്തിൽ ഇറങ്ങിയ തരൂരിന് സ്വീകരണം നല്കാൻ ഇറങ്ങിയത് താഴെ തട്ടിലുള്ള പ്രവർത്തകരാണ് എന്നതാണ് ശ്രദ്ധേയം.