ആര്യങ്കാവില്‍ ഗുരുവായൂര്‍-മധുര എക്‌സ്പ്രസ്സിന്റെ വേര്‍പെട്ട് അപകടം. ഓടിക്കൊണ്ടിരുന്ന ട്രെയിനിന്റെ ബോഗികളാണ് വേര്‍പെട്ടത്. ഇന്ന് ഉച്ചയ്ക്ക് 3.30ന് ആയിരുന്നു സംഭവം നടന്നത്. ന്യൂ ആര്യങ്കാവ് റെയില്‍വേ സ്റ്റേഷന് സമീപമായിരുന്നു ബോഗികള്‍ വേര്‍പെട്ടത്. ബോഗികള്‍ വേര്‍പെട്ട സമയം ട്രെയിന്‍ നിറയെ യാത്രക്കാരുമായി ഓടിക്കൊണ്ടിരിക്കുകയായിരുന്നു.
ഓട്ടോമാറ്റിക് ബ്രേക് സിസ്റ്റം ഉണ്ടായിരുന്നതിനാല്‍ വേര്‍പെട്ട് മുന്നോട്ട് പോയ എഞ്ചിനോട് ചേര്‍ന്ന ഭാഗം അധികം ദൂരത്തല്ലാതെ നിന്നു. ട്രെയിനിന്റെ മധ്യഭാഗത്ത് നിന്നാണ് ബോഗികള്‍ തമ്മിലെ ബന്ധം വിച്ഛേദിക്കപ്പെട്ടത്. പിന്നീട് റെയില്‍വെ സാങ്കേതിക വിഭാഗം ജീവനക്കാരെത്തി പ്രശ്‌നം പരിഹരിച്ചു. അര മണിക്കൂറോളം ഈ ഭാഗത്ത് ട്രെയിന്‍ ഗതാഗതം തടസപ്പെട്ടു.