കോട്ടയത്ത് എസ്‌ഐയെ കാണാനില്ലെന്ന് പരാതി. കോട്ടയം വെസ്റ്റ് സ്റ്റേഷനിലെ ഗ്രേഡ് എസ്‌ഐ അനീഷ് വിജയനെയാണ് കാണാനില്ലെന്ന് കാട്ടി കുടുംബം പരാതി നല്‍കിയിരിക്കുന്നത്. കുടുംബത്തിന്റെ പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. പത്തനംതിട്ട കീഴ്‌വായ്പൂര്‍ സ്വദേശിയാണ് അനീഷ് വിജയന്‍.
Read more
കഴിഞ്ഞദിവസം ഡ്യൂട്ടി കഴിഞ്ഞ് വീട്ടിലേക്ക് മടങ്ങിയ അനീഷ് വീട്ടിലെത്തിയില്ല. ഇന്ന് രാവിലെ ഡ്യൂട്ടിയ്ക്ക് കയറേണ്ടതായിരുന്നു അനീഷ്. ജോലിസംബന്ധമായോ കുടുംബപരമായോ പ്രശ്നങ്ങളില്ലെന്നാണ് വിവരം. സംഭവത്തില്‍ പൊലീസ് അന്വേഷണം പുരോഗമിക്കുകയാണ്.
