മഹാത്മാ ഗാന്ധി സര്‍വകലാശാലയുടെ ബിരുദ പരീക്ഷകള്‍ മാറ്റിവച്ചെന്ന് പ്രചരിക്കുന്ന വാര്‍ത്തകള്‍ വ്യാജമെന്ന് യൂണിവേഴ്‌സിറ്റി. സമൂഹ മാധ്യമങ്ങളില്‍ പ്രചരിക്കുന്ന വിജ്ഞാപനം വ്യാജമാണെന്ന് പരീക്ഷാ കണ്‍ട്രോളര്‍ അറിയിച്ചു.
ഇന്ന് നടത്താന്‍ നിശ്ചയിച്ചിട്ടുള്ള ബിരുദ പരീക്ഷകള്‍ക്ക് മാറ്റമില്ല. സര്‍വകലാശാലയുടെ പേരില്‍ വ്യാജ രേഖകളും സന്ദേശങ്ങളും പ്രചരിപ്പിക്കുന്നവര്‍ക്കെതിരെ നിയമ നടപടി സ്വീകരിക്കുമെന്നും പരീക്ഷാ കണ്‍ട്രോളര്‍ വ്യക്തമാക്കി.