ഇത്തവണ സംസ്ഥാന ബജറ്റില് ചെലവു ചുരുക്കല് നടപടികളുണ്ടാകുമെന്നു സൂചന നല്കി ധനമന്ത്രി തോമസ് ഐസക്ക്. കടുത്ത സാമ്പത്തിക പ്രതിസന്ധിയാണ് സംസ്ഥാനം നേരിടുന്നത്. അതു കൊണ്ട് ഇനി വിവിധ വകുപ്പകളിലേക്ക് ആഡംബര വാഹനം വാങ്ങുന്നതിനു സര്ക്കാര് തടയിടും. ഇതിനു പുറമെ മന്ത്രിമാരുടെ ഉള്പ്പെടെ സര്ക്കാരിന്റെ ഔദ്യേഗിക ഫോണ് കണക്ഷനുകള് നിരക്കുകുറഞ്ഞ പുതിയ പാക്കേജുകളിലേക്കു മാറ്റുന്നതിനുള്ള ആലോചനയും നടക്കുന്നുണ്ട്. കാലഹരണപ്പെട്ട തസ്തികകള് അവസാനിപ്പിക്കുന്ന സുപ്രധാന തീരുമാനം ബജറ്റിലുണ്ടാമെന്നു ധനമന്ത്രി സൂചിപ്പിച്ചു.
നിയന്ത്രണമില്ലാതെ പല വകുപ്പുകളും ആഡംബര വാഹനങ്ങള് വാങ്ങുന്നുണ്ട്. ഇതിനു കടിഞ്ഞാണിടുമെന്ന് തോമസ് ഐസക്ക് അറിയിച്ചു. ഇതിലൂടെ സര്ക്കാര് എത്ര തുകയുടെ ലാഭം നേടിയെന്നതല്ല പ്രധാനം മറിച്ച് ഈ തീരുമാനം വഴി നല്കുന്ന സന്ദേശമാണ് പ്രധാനമെന്നും അദ്ദേഹം കൂട്ടിചേര്ത്തു.
Read more
ഒരു മണിക്കൂര് മാത്രമായിരിക്കും ഇത്തവണ ബജറ്റ് പ്രസംഗം. നിലവില് കാലഹരണപ്പെട്ട തസ്തികകളുടെ കണക്കെടുപ്പു നടക്കുകയാണ്. ഇവ അവസാനിപ്പിക്കുമെന്നും തോമസ് ഐസക്ക് പറഞ്ഞു. ബജറ്റ് തയാറാക്കാനാകുന്നതായി വിഴിഞ്ഞം ഗസ്റ്റ് ഹൗസിലേക്കു താമസം മാറിയിരിക്കുകയാണ് തോമസ് ഐസക്ക്.