മുഖ്യമന്ത്രി പിണറായി വിജയനും പ്രധാനമന്ത്രി നരേന്ദ്രമോദിയുമായുള്ള കൂടിക്കാഴ്ചയ്ക്ക് പിന്നാലെ ഫെയ്‌സ്ബുക്ക് പോസ്റ്റുമായി ശ്രീജിത്ത് പണിക്കര്‍. പ്രധാനമന്ത്രിക്ക് നല്‍കിയ ബൊക്കെയെയാണ് പരിഹസിച്ചത്. ആദ്യം മഞ്ഞക്കുറ്റിയാണെന്ന് കരുതി. പിന്നീടാണ് അത് ബൊക്കയാണ് എന്ന് മനസിലായത് എന്നും അദ്ദേഹം ഫെയ്‌സ്ബുക്കില്‍ കുറിച്ചു.
ഇന്നലെയാണ് ഡല്‍ഹിയില്‍ പിണറായി വിജയനും നരേന്ദ്രമോദിയും തമ്മില്‍ ചര്‍ച്ച നടത്തിയത്. സന്ദര്‍ശനവേളയില്‍ മുഖ്യമന്ത്രി മഞ്ഞ നിറത്തില്‍ ആവരണമുള്ള ഒരു ബൊക്കയാണ് പ്രധാനമന്ത്രിക്ക് ഉപഹാരമായി നല്‍കിയത്.
സില്‍വര്‍ലൈനുമായി ബന്ധപ്പെട്ട കാര്യങ്ങള്‍ പ്രധാനമന്ത്രിയുമായി ചര്‍ച്ച ചെയ്തു. റെയില്‍വേയുമായി കാര്യങ്ങള്‍ ചര്‍ച്ച ചെയ്യാമെന്നും എന്താണ് ചെയ്യാന്‍ പറ്റുകയെന്ന നോക്കാമെന്നും മോദി അറിയിച്ചതായി പിണറായി വിജയന്‍ മാധ്യമങ്ങളോട് പറഞ്ഞു.