കാഞ്ഞങ്ങാട് റെയിൽവേ സ്റ്റേഷന് സമീപം മൂന്നു പേർ ട്രെയിൻ തട്ടി മരിച്ചതായി റിപ്പോർട്ട്. കോട്ടയത്തിനടുത്ത് ചിങ്ങവനം സ്വദേശികളായ അലീന തോമസ് (63), ചിന്നമ്മ (68), ഏയ്ഞ്ചൽ (30) എന്നിവരാണ് മരിച്ചത്. ഇന്ന് വൈകിട്ട് ഏഴു മണിയോടെയായിരുന്നു സംഭവം.
ഒരു വിവാഹച്ചടങ്ങിൽ പങ്കെടുത്തശേഷം മടങ്ങവേ റെയിൽവേ സ്റ്റേഷനിലേക്ക് വരുന്നതിനിടെയാണ് അപകടമെന്നാണ് റിപ്പോർട്ട്. ട്രാക്ക് മുറിച്ചു കടക്കുന്നതിനിടെ വന്ന ട്രെയിൻ മൂന്നുപേരെയും ഇടിച്ചുതെറിപ്പിക്കുകയായിരുന്നു. കോയമ്പത്തൂർ – ഹിസാർ ട്രെയിൻ ആണ് തട്ടിയത്.