പൗരത്വ നിയമ ഭേദഗതിക്കെതിരെ പരോക്ഷ വിമര്‍ശനവുമായി സംസ്ഥാനത്തിന്റെ മുഖ്യ തിരഞ്ഞെടുപ്പ് ഓഫീസര്‍ ടിക്കാറാം മീണ. ഭരണത്തിന്റെ അഹങ്കാരത്തില്‍ ചിലര്‍ ജനങ്ങളെ ബുദ്ധിമുട്ടിക്കാന്‍ ശ്രമിക്കുകയാണെന്നും ടിക്കാറാം മീണ പറഞ്ഞു. മലപ്പുറം തിരൂരങ്ങാടിയില്‍ ഓറിയന്റല്‍ ഹയര്‍ സെക്കന്‍ഡറി സ്‌കൂള്‍ പൂര്‍വ വിദ്യാര്‍ത്ഥി സംഗമം ഉദ്ഘാടനം ചെയ്യുകയായിരുന്നു ടിക്കാറാം മീണ.
മതനിരപേക്ഷതയാണ് ഭാരതത്തിന്റെ പൈതൃകം. നമുക്ക് ശക്തമായ ഭരണഘടനയുണ്ട്. ജനാധിപത്യ പാരമ്പര്യത്തില്‍ നാം അഭിമാനിക്കുന്നെന്നും ടിക്കാറാം മീണ പറഞ്ഞു. ആരെങ്കിലും ജനങ്ങളെ തമ്മിലടിപ്പിക്കാന്‍ ശ്രമിച്ചാല്‍ അത് നടക്കാന്‍ പോകുന്നില്ലെന്ന് ടിക്കാറാം മീണ വ്യക്തമാക്കി.
Read more
വിദ്യാര്‍ത്ഥികളെ വെടിവെയ്ക്കുന്ന സംഭവങ്ങള്‍ ഡല്‍ഹിയിലുണ്ടായി.എന്നാല്‍ ഇതല്ല ഭാരതം, അതല്ല ജനങ്ങള്‍ ആഗ്രഹിക്കുന്നത്. ഭാരത നിര്‍മ്മാണത്തിന് വേണ്ടി നമ്മള്‍ സഹിച്ച ത്യാഗങ്ങള്‍ അതില്‍ എല്ലാവര്‍ക്കും തുല്യ സംഭാവനയുണ്ട്. അതുകൊണ്ട് വളരെ ശക്തമായി പ്രതികരിക്കും, ഇതിന് യാതൊരു സംശയവുമില്ല. ഇങ്ങനെയുള്ള ശക്തികളെ തോല്‍പിച്ചതാണ് നമ്മുടെ രാജ്യം. ഇനിയും പരാജയപ്പെടുത്തുമെന്നും ടിക്കാറാം മീണ പറഞ്ഞു.
