സ്കൂളിലെ ശുചിമുറിയുടെ ഭിത്തി ഇടിഞ്ഞ് വീണ് വിദ്യാര്‍ത്ഥി മരിച്ചു

സ്‌കൂളിലെ ശുചിമുറിയുടെ സമീപത്തെ ഭിത്തിയിടിഞ്ഞ് വീണ് വിദ്യാര്‍ത്ഥി മരിച്ചു.രണ്ടാം ക്ലാസ് വിദ്യാര്‍ത്ഥി സെബാസ്റ്റ്യന്‍ ആണ് മരിച്ചത്. തലവടി ചൂട്ടുമാലില്‍ എല്‍ പി സ്‌കൂളിലെ ആണ്‍കുട്ടികളുടെ ശുചിമുറിക്ക് സമീപത്തെ ഭിത്തി ഇടിഞ്ഞ് വീണാണ് അപകടം ഉണ്ടായത്.

ഇന്റര്‍വെല്‍ സമയത്ത് കുട്ടികള്‍ മൂത്രമൊഴിക്കാന്‍ പോയപ്പോഴായിരുന്നു അപകടം. ഭിത്തി ദ്രവിച്ച് അപകടാവ്സഥയിലായിരുന്നുവെന്നാണ് പ്രാഥമിക നിഗമനം. അപകടത്തില്‍ നാല് കുട്ടികള്‍ക്ക പരിക്കേറ്റിട്ടുണ്ട്. ഇവരെ പരുമലയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവസമയത്ത് ഭിത്തിക്ക് സമീപമുണ്ടായിരുന്ന വിദ്യാര്‍ത്ഥികളുടെ ദേഹത്തേക്ക് ഇടിഞ്ഞ് വീഴുകയായിരുന്നു.