അല്‍ മുക്താദിര്‍ ജ്വല്ലറി ഗ്രൂ്പ്പിന്റെ വിവിധ ഷോറുമുകളില്‍ ബ്യുറോ ഓഫ് ഇന്ത്യന്‍ സ്റ്റാന്‍ഡേര്‍ഡ് അധികൃതര്‍ റെയ്ഡ് നടത്തി. അനധികൃതമായി ഹാള്‍ മാര്‍ക്ക്് മുദ്രകള്‍ സ്വര്‍ണ്ണാഭരണങ്ങളില്‍ പതിപ്പിക്കുന്നുവെന്ന ആരോപണത്തെത്തുടര്‍ന്നാണ് റെയ്ഡ്. അല്‍മുക്താദിര്‍ ഗോള്‍ഡ് ആന്റ് ഡയമണ്ട് മാനുഫാ്ക്ചറിംഗ് ഹോള്‍സെയില്‍ ജ്വല്ലറി കഴിഞ്ഞ ചുരുങ്ങിയ നാളുകളില്‍ ആറിലധികം ജ്വല്ലറികളാണ് സംസ്ഥാനത്താരംഭിച്ചത്.
ഇന്ന് രാവിലെ വിവിധ ഷോറൂമുകളില്‍ തുടങ്ങിയ റെയ്ഡ് വൈകീട്ടും തുടരുകയാണ്. റെയ്ഡിന് ശേഷം മാത്രമേ ഔദ്യോഗികമായി പ്രതികരിക്കാന്‍ കഴിയൂ എന്ന്് ബി ഐ എസ് അധികൃതര്‍ സൗത്ത് ലൈവിനോട് പറഞ്ഞു.
എല്ലാ ആഭരണങ്ങളും പണിക്കൂലി ഇല്ലാതെ വാങ്ങിക്കാം എന്ന വന്‍ പരസ്യം നല്‍കിയാണ് അല്‍ മുക്താദിര്‍ ഗ്രൂപ്പ് തങ്ങളുടെ ജ്വല്ലറികള്‍ തുറന്നത്. അതോടൊപ്പം ഹലാല്‍ പലിശ വാഗ്ദാനം നല്‍കിയതോടെ ഇവര്‍ക്കെതിരെ വലിയ വിമര്‍ശനങ്ങളും പരാതികളുമുണ്ടായി. ഇതിനോടൊപ്പമാണ് ആഭരണങ്ങളില്‍ വ്യാജ ഹാള്‍ മാര്‍ക്ക്് മുദ്ര പതിപ്പിച്ചുവെന്നാരോപണത്തില്‍ റെയ്ഡുണ്ടാകുന്നതും