ഒമ്പത് വര്ഷത്തോളം തിരുവല്ല പുഷ്പഗിരി മെഡിക്കല് കോളേജ് ആശുപത്രിയില് ജോലി ചെയ്ത നഴ്സ് പിരിഞ്ഞ് പോകുന്നതില് പ്രതികാരം തീര്ത്ത് മാനേജ്മെന്റ്. നഴ്സിന്റെ എക്സ്പീരിയന്സ് സര്ട്ടിഫിക്കറ്റില് സിഎന്സി ക്ലാസ് പൂര്ത്തിയാക്കിയ ആളല്ലെന്ന് മാത്രം എഴുതി കൊടുത്താണ് ഒമ്പത് വര്ഷം ജോലി ചെയ്ത് ബേസിലിന് ആശുപത്രി ‘പണി’ കൊടുത്തത്. ഇതോടെ വിദേശരാജ്യങ്ങളിലടക്കം തൊഴില് തേടി പോകുന്നതിനുള്ള യുവാവിന്റെ ശ്രമം വിഫലമായി. എക്സ്പീരിയന്സ് സര്ട്ടിഫിക്കറ്റിന്റെ കോപ്പി പുറത്തായതോടെ പുഷ്പഗിരി ആശുപത്രിക്കെതിരെ സോഷ്യല് മീഡിയയില് വന് പ്രതിഷേധമാണ് ഉയരുന്നത്.
ഒമ്പത് വര്ഷത്തിലധികമായി പുഷ്പഗിരി മെഡിക്കല് കോളജില് ഫുള്ടൈം സ്റ്റാഫ് നഴ്സായി ജോലി നോക്കിയ യുവാവിന് നല്കിയ എക്സ്പീരിയന്സ് സര്ട്ടിഫിക്കറ്റിലാണ് സിഎന്സി ക്ലാസ് പൂര്ത്തിയാക്കിയിട്ടില്ലെന്ന് രേഖപ്പെടുത്തിയത്. പുഷ്പഗിരിയില് ഏതൊക്കെ വിഭാഗം ചികിത്സകള് ഉണ്ടെന്നും എക്സ്പീരിയന്സ് സര്ട്ടിഫിക്കറ്റില് വിവരിക്കുന്നുണ്ട്.
പുഷ്പഗിരി ആശുപത്രിയുടെ ഈ നടപടിക്കെതിരെ സമൂഹ മാധ്യമത്തില് വലിയ വിമര്ശനമാണ് ഉയരുന്നത്. വിദേശത്തേക്ക് പോകുന്നതിനുള്പ്പെടെ തടസ്സമാകുന്ന നിലയിലാണ് എക്സ്പീരിയന്സ് സര്ട്ടിഫിക്കറ്റിലെ പരാമര്ശം. ഈ നിലപാട് തുടര്ന്നാല് പ്രക്ഷോഭത്തിലേക്ക് കടക്കുമെന്നാണ് നഴ്സിംഗ് സംഘടനയായ യുഎന്എ വ്യക്തമാക്കിയിട്ടുണ്ട്.
യുഎന്എയുടെ പ്രസ്താവനയുടെ പൂര്ണരൂപം:
പ്രിയ പുഷ്പഗിരി മാനേജ്മെന്റ്….
ഒരു നഴ്സിനോട് കാണിക്കുന്ന ക്രൂരത എത്രമാത്രമാണെന്ന് നിങ്ങള് നല്കിയ ഈ എക്സ്പീരിയന്സ് സര്ട്ടിഫിക്കറ്റ് മാത്രം കണ്ടാല് മനസ്സിലാകും.9 വര്ഷം നിങ്ങളുടെ ആശുപത്രിയില് പ്രവര്ത്തി പരിചയമുള്ള ഞങ്ങളുടെ പ്രിയ സഹപ്രവര്ത്തകന് ബേസിലിന് നിങ്ങള് നല്കിയ ഈ സര്ട്ടിഫിക്കറ്റ് മാത്രം മതി ഒരു നഴ്സിനെ ഏത് തരത്തിലാണ് ട്രീറ്റ് ചെയ്യുന്നത് എന്ന് മനസ്സിലാക്കാന്.
CNE നഴ്സിംഗ് കൗണ്സില് പോലും നിര്ബന്ധമാക്കിയിട്ടില്ല എന്ന വസ്തുത ഇന്ത്യയില് നിലനില്ക്കെ 9 വര്ഷം ഈ സ്ഥാപനത്തിന് വേണ്ടി ആത്മാര്ത്ഥമായി പണിയെടുത്ത് ജോലി രാജിവെച്ച് പുതിയ തൊഴില് ജോലിക്കായി വിദേശത്തേക്ക് പോകുന്ന ഒരാളുടെ ഭാവി തകര്ക്കാന് ഇത്തരം സര്ട്ടിഫിക്കറ്റ് നല്കുന്ന സ്ഥാപനത്തിന്റെ നിലപാട് ശരിയാണോ എന്ന് മാനേജ്മെന്റ് പരിശോധിക്കണം.
സ്വന്തം ജീവനക്കാരോട് പ്രതികാരബുദ്ധി തീര്ക്കുന്ന നിങ്ങളെപ്പോലെയുള്ള സ്ഥാപനങ്ങളുടെ നിലപാടാണ് എത്രയോ ജീവനക്കാരുടെ ജീവിതം നശിപ്പിച്ചത് .കഴിഞ്ഞ ദിവസം പൂനെയിലെ ഒരു സോദരി (അന്ന സെബാസ്റ്റ്യന് ) മാനേജ്മെന്റിന്റെ ജോലി ഭാരവും തൊഴില് പീഢനവും മൂലം ജീവന് അവസാനിപ്പിച്ചത് ഈ അവസരത്തില് ഓര്ക്കേണ്ടതാണ്.
Read more
യുഎന്എയുടെ ഏറ്റവും ശകതമായ പ്രതിഷേധമാണ് ഈ വിഷയത്തില് ഉയര്ന്നു കൊണ്ടിരിക്കുന്നത്.തെറ്റുതിരുത്താന് വൈകിയാല് കനത്ത വില പുഷ്പഗിരി മാനേജ്മെന്റ് നല്കേണ്ടി വരും. CNO എന്നാല് Chief Nursing officer എന്നാണ് അല്ലാതെ Criminal Nursing officer എന്ന് ഞങ്ങളെക്കൊണ്ട് വിളിപ്പിക്കരുത്.CN0 ക്ക് ബുദ്ധിയില്ലെങ്കിലും ഡയറക്ടര് അച്ഛനെങ്കിലും സ്വല്പ്പം കോമണ്സെന്സ് കാണിക്കാമായിരുന്നു.
പ്രതിഷേധം ഉയരട്ടെ.