കോറോണ വൈറസിനെ തുടർന്ന് ലോകമെമ്പാടും കുടുങ്ങിക്കിടക്കുന്ന ആളുകൾ നാട്ടിലേക്ക് മടങ്ങാനുള്ള തീവ്ര ശ്രമങ്ങൾ നടത്തുമ്പോൾ, 74 കാരനായ യുഎസ് പൗരൻ കേരളത്തിൽ തന്നെ തുടരാൻ നിയമപരമായ വഴി തേടി.
തന്റെ വിസ ആറുമാസം വരെ നീട്ടണമെന്ന് ആവശ്യപ്പെട്ട് നാടക സംവിധായകനും രചയിതാവുമായ ടെറി ജോൺ കൺവേർസ് കേരള ഹൈക്കോടതിയെ സമീപിച്ചതായി ടൈംസ് ഓഫ് ഇന്ത്യ റിപ്പോർട്ട് ചെയ്തു.
“അമേരിക്കയിൽ ഉള്ളതിനേക്കാൾ എനിക്ക് ഇന്ത്യയിൽ കൂടുതൽ സുരക്ഷിതത്വം തോന്നുന്നു,” ചൊവ്വാഴ്ച വൈകുന്നേരം അനുകൂലമായ ഹൈക്കോടതി ഉത്തരവ് ലഭിച്ചതിനെ തുടർന്ന് ടെറി ജോൺ കൺവേർസ് ടൈംസ് ഓഫ് ഇന്ത്യയോട് പറഞ്ഞു.
“എന്റെ വിസ ആറുമാസത്തേക്ക് കാലാവധി നീട്ടാൻ ഞാൻ ആഗ്രഹിക്കുന്നു, യുഎസിലെ സ്ഥിതി ഇപ്പോൾ വളരെ മോശമായതിനാൽ എനിക്ക് ഇന്ത്യയിൽ തന്നെ തുടരാനാകും. വൈറസിനെ പ്രതിരോധിക്കുന്ന കാര്യത്തിൽ യുഎസിനേക്കാൾ കൂടുതൽ രീതിശാസ്ത്രപരവും വിജയകരവുമായ സമീപനമാണ് ഇന്ത്യയുടേത്. ”
ടെറി ജോൺ കോൺവേഴ്‌സ് വാഷിംഗ്‌ടൺ സ്റ്റേറ്റ് യൂണിവേഴ്‌സിറ്റിയിലെ നാടകത്തിന്റെ എമെറിറ്റസ് പ്രൊഫസറാണ് , സംവിധാനം, സമകാലിക ലോക നാടകം, സ്‌ക്രിപ്റ്റ് വിശകലനം എന്നിവ ഇദ്ദേഹം പഠിപ്പിക്കുന്നു.
ഇപ്പോൾ കൊച്ചിയിലെ പനമ്പിളി നഗറിൽ താമസിക്കുന്ന അദ്ദേഹത്തിന് മെയ് 20 വരെ വിസ നീട്ടികിട്ടി അപ്പോഴേക്കും അന്താരാഷ്ട്ര വിമാന സർവീസുകൾ ആരംഭിക്കുമെന്നാണ് വിശ്വാസിക്കുന്നത്.
കൊറോണ വൈറസ് പകർച്ചവ്യാധി കുറയുന്നതിന്റെ ലക്ഷണമൊന്നും കാണിക്കാത്തതിനാൽ അദ്ദേഹം അഭിഭാഷക കെ പി ശാന്തി വഴി കോടതിയെ സമീപിക്കുകയായിരുന്നു.
“അന്താരാഷ്ട്ര വിമാനങ്ങൾ അപ്പോഴേക്കും പ്രവർത്തനം ആരംഭിച്ചില്ലെങ്കിൽ, അപേക്ഷകന്റെ വിസ ആ കാലയളവിനപ്പുറം നീട്ടേണ്ടിവരുമെന്ന കാര്യത്തിൽ തർക്കമില്ല.” ഹൈക്കോടതി പറഞ്ഞു.
2012 ൽ ഫുൾബ്രൈറ്റ് ഗ്രാന്റിൽ ഇന്ത്യയിലെത്തിയ കോൺവേഴ്‌സ് രാജ്യത്തെ തദ്ദേശീയ നാടകവേദികളെക്കുറിച്ച് പഠിച്ചു, പ്രത്യേകിച്ച് കേരളത്തിലെ.
പരമാവധി 180 ദിവസത്തെ താമസം അനുവദിച്ചിരുന്ന ഒരു ടൂറിസ്റ്റ് വിസയിൽ അദ്ദേഹം സംസ്ഥാനത്ത് താമസിച്ചു, അത് കാലഹരണപ്പെട്ടു.
കൊച്ചിയിൽ ഫീനിക്സ് വേൾഡ് തിയറ്റർ ഗ്രൂപ്പ് നടത്തുന്ന ചാരു നാരായണകുമാറിന്റെ കുടുംബത്തോടൊപ്പമാണ് നാടക പ്രവർത്തകൻ താമസിക്കുന്നത്.
“കൊച്ചിയിൽ ഒരു ഇന്ത്യൻ കുടുംബത്തോടൊപ്പം താമസിക്കാൻ സാധിച്ചതിൽ ഞാൻ ഭാഗ്യവാനാണ്, അവിടെ എനിക്ക് സുഖവും സുരക്ഷിതത്വവുമുണ്ട്,” ടെറി ജോൺ കൺവേർസ് പറഞ്ഞു.
“ഇന്ത്യ പൊതുവെ, പ്രത്യേകിച്ചും കേരളം, വൈറസ് പ്രതിരോധിക്കുന്നതിൽ മികച്ച പ്രവർത്തനം കാഴ്ചവയ്ക്കുന്നു. പകർച്ചവ്യാധിയെക്കുറിച്ച് കേരള സർക്കാർ ജനങ്ങളെ വളരെ കാര്യക്ഷമമായി ബോധവാന്മാരാക്കുന്നു, പ്രവർത്തനങ്ങളുടെ ഗുണനിലവാരം അതിശയകരമാണ്,” അദ്ദേഹം പറഞ്ഞു.