എസ്.എഫ്.ഐ ദേശീയ അദ്ധ്യക്ഷന്‍ വി.പി സാനു വിവാഹിതനാകുന്നു. ഫേസ്ബുക്ക് പോസ്റ്റിലൂടെയാണ് സാനു ഇക്കാര്യം അറിയിച്ചത്. രാജീവ് ഗാന്ധി നാഷണല്‍ ഇന്‍സ്റ്റിട്യൂട്ടിലെ ഗവേഷക വിദ്യാര്‍ഥി ഗാഥ എം. ദാസാണ് വധു. ഡിസംബര്‍ 30നാണ് വിവാഹം.
മലപ്പുറം വളാഞ്ചേരിയിലെ സാഗര്‍ ഓഡിറ്റോറിയത്തില്‍ ഡിസംബര്‍ 30ന് വൈകിട്ട് നാലിനും എട്ടിനും ഇടയില്‍ വിവാഹ സത്കാരം നടക്കും. ഇതിനോടകം തന്നെ നിരവധി പേര്‍ സാനുവിന് ആശംസകള്‍ നേര്‍ന്ന് ഫെയ്‌സ്ബുക്ക് പോസ്റ്റിന് കമന്റ് ചെയ്തിട്ടുണ്ട്.
എസ്.എഫ്.ഐ ദേശീയ സെക്രട്ടറി മയൂഖ് ബിശ്വാസടക്കമുള്ളവര്‍ വിവാഹത്തിന് ആശംസകള്‍ നേര്‍ന്ന് രംഗത്തെത്തി. കഴിഞ്ഞ ലോക്‌സഭ തിരഞ്ഞെടുപ്പില്‍ മലപ്പുറം മണ്ഡലത്തിലെ ഇടതു സ്ഥാനാര്‍ത്ഥിയായിരുന്നു വി.പി സാനു.