മുഖ്യമന്ത്രി സ്വകാര്യസന്ദര്‍ശനത്തിനായി വിദേശത്തേക്ക് പോയകാര്യം അറിഞ്ഞിരുന്നില്ലെന്ന് ഗവര്‍ണര്‍ ആരിഫ് മുഹമ്മദ് ഖാന്‍. മുഖ്യമന്ത്രി വിദേശത്തേക്ക് പോകുന്ന കാര്യം രാജ്ഭവനെ അറിയിച്ചിരുന്നില്ല.
സംസ്ഥാന സര്‍ക്കാര്‍ രാജ്ഭവനെ ഇരുട്ടില്‍ നിര്‍ത്തുന്ന നിലപാടാണ് സ്വീകരിക്കുന്നത്. മുഖ്യമന്ത്രിയുടെ വിദേശസന്ദര്‍ശനത്തെക്കുറിച്ച് അറിയിക്കാത്ത സംഭവങ്ങളെ തുടര്‍ന്ന് നേരത്തേ തന്നെ രാജ്ഭവന് കത്ത് നല്‍കിയിരുന്നതാണ്. ഇത്തവണയും മുഖ്യമന്ത്രി വിദേശത്ത് പോയ കാര്യം താന്‍ അറിഞ്ഞില്ലെന്നും ഗവര്‍ണര്‍ വ്യക്തമാക്കി.
ബംഗാള്‍ ഗവര്‍ണര്‍ സി.വി.ആനന്ദ ബോസിനെതിരായ ആരോപണത്തില്‍ പ്രതികരിക്കാനില്ല. വിഷയത്തില്‍ ആനന്ദബോസ് തന്നെ പ്രതികരിച്ചിട്ടുണ്ടെന്നും ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞു.
