കെ.പി.സി.സി പ്രസിഡന്റ് കെ സുധാകരനെതിരെ വിവാദ പരാമര്‍ശവുമായി സി.പി.എം ഇടുക്കി ജില്ല സെക്രട്ടറി സി.വി വര്‍ഗീസ്. സുധാകരന്റെ ജീവന്‍ സി.പി.എം കൊടുക്കുന്ന ഭീക്ഷയാണെന്ന് അദ്ദേഹം പറഞ്ഞു. ഒരു നികൃഷ്ട ജീവിയെ കൊല്ലാന്‍ ഞങ്ങള്‍ക്ക് താല്‍പര്യമില്ല. ഇടുക്കി ചെറുതോണിയില്‍ വച്ച് കൊണ്‍ഗ്രസിന്റെ കൊലപാതക രാഷ്ട്രീയത്തിനെതിരെ നടന്ന പ്രസംഗത്തിനിടെയാണ് സി.വി വര്‍ഗീസിന്റെ പരാമര്‍ശം.
കണ്ണൂരില്‍ നിന്ന് വളര്‍ന്ന വന്നയാളാണ് കോണ്‍ഗ്രസ് നേതാവ് സുധാകരന് എന്നാണ് കോണ്‍ഗ്രസ് പ്രവര്‍ത്തകരുടെ അവകാശവാദമെങ്കിലും കമ്യൂണിസ്റ്റ് പാര്‍ട്ടി നല്‍കിയ ദാനമാണ്, ഭിക്ഷയാണ് ഈ ജീവിതമെന്ന് കോണ്‍ഗ്രസുകാര്‍ മറക്കരുതെന്ന് സി.സി. വര്‍ഗീസ് പറഞ്ഞു.
കഴിഞ്ഞ ദിവസങ്ങളില്‍ ഇടുക്കിയില്‍ അക്രമരാഷ്ട്രീയത്തിനെതിരെ കോണ്‍ഗ്രസും പൊതുയോഗങ്ങള്‍ സംഘടിപ്പിച്ചിരുന്നു. പരിപാടിയില്‍ സി.പി.എമ്മിനെതിരെ രൂക്ഷ വിമര്‍ശനങ്ങലാണ് സുധാകരന് ഉന്നയിച്ചത്.
കരിമണ്ണൂരില്‍ കോണ്‍ഗ്രസ് പ്രവര്‍ത്തകന് നേരെയുണ്ടായ അക്രമത്തെ ശക്തമായി അപലപിച്ചിരുന്നു. ധീരജ് കൊലക്കേസിലെ പ്രതികളെ സുധാകരന് ന്യായീകരിക്കുകയും ചെയ്തിരുന്നു. ഇതിന് പിന്നാലെയാണ് സി.പി.എം ജില്ല സെക്രട്ടറിയുടെ വിവാദ പരാമര്‍ശം ഉണ്ടായിരിക്കുന്നത്.
