തിരുവനന്തപുരത്തിൻറെ വ്യത്യസ്ത പ്രദേശങ്ങളിൽ സഞ്ചരിച്ച് മോഷണം നടത്തിയിരുന്ന വാഹന മോഷ്ടാവ് പുത്തൻവീട്ടിൽനിന്ന് ബൗണ്ടർ മുക്ക് കൊടിവിളാകം അൽഫിയ മൻസിലിൽ സംജു പടിയിൽ. പാലോട് സ്വദേശിയുടെ ഇരുചക്രവാഹനം മോഷ്ടിച്ചെന്ന പരാതിയിൽ നടത്തിയ അന്വേഷണത്തിലാണ് സംജു പിടിയിലായത്. കഴിഞ്ഞ മാസം പാങ്ങോട് സ്റ്റേഷൻ പരിധിയിൽനിന്ന് ഡിവൈ.എസ്.പിയുടെ ഓഫീസിൽ ജോലിയുള്ള പോലീസുകാരന്റെ കാർ മോഷ്ടിച്ചതിന് അറസ്റ്റിലായതിന് ശേഷം ജാമ്യത്തിൽ ഇറങ്ങിയ അതേദിവസമാണ് ഇയാൾ ബൈക്ക് മോഷണത്തിന് പിടിയിലാകുന്നത്.
പാങ്ങോട്, ചിതറ, ആറ്റിങ്ങൽ, കിളിമാനൂർ എന്നീ സ്റ്റേഷനുകളിൽ ഇയാൾക്കെതിരെ നിരവധി വാഹനമോഷണ കേസുകളുണ്ട്. നെടുമങ്ങാട് ഡിവൈ.എസ്.പി. അരുൺ കെ. എസ്സിന്റെ നിർദ്ദേശത്തിൽ പാലോട് എസ്.എച്ച്.ഒ. അനീഷ് കുമാർ, എസ്.ഐ. ശ്രീനാഥ് ജി.എസ്, സി.പി.ഒമാരായ രഞ്ജിത്ത് രാജ്, സൂരജ്, ഷൈലാബീവി എന്നിവരുടെ നേതൃത്വത്തിൽ പിടികൂടിയ പ്രതിയെ നെടുമങ്ങാട് കോടതിയിൽ ഹാജരാക്കി റിമാൻഡ് ചെയ്തു.