ഒയാസിസ് പ്ലാന്റിന് അനുമതി നൽകിയ യോഗത്തിന്റെ മിനുറ്റ്സ് പുറത്ത്; ബ്രൂവറി നിർമാണം പഞ്ചായത്തിനെ അറിയിച്ചിട്ടില്ലെന്ന വാദം പൊളിയുന്നു

എലപ്പുളളിയിൽ ബ്രൂവറിക്ക് പ്രാഥമിക അനുമതി നൽകിയ യോ​ഗത്തിന്റെ മിനുറ്റ്സ് പുറത്ത്. ബ്രൂവറി നിർമാണത്തിന് ഒയാസിസ് പ്ലാൻ്റിന് പ്രാഥമിക അനുമതി നൽകിയ യോഗത്തിൻ്റെ മിനുട്സാണ് പുറത്തുവന്നത്. ഒയാസിസിന്റെ മാനുഫാക്ച്ചറിങ് യൂണിറ്റ് നടത്താൻ പോകുന്ന പദ്ധതിയുടെ പൂർണരൂപം മിനുറ്റ്സിൽ വ്യക്തമാക്കിയിട്ടുണ്ട്. എഥനോൾ, ഇഎൻഎ, ഐഎംഎഫ് ബോട്ട്ലിങ് യൂണിറ്റ്, ബ്രൂവറി, മൾട്ട യൂണിറ്റ് എന്നിവ ആരംഭിക്കുമെന്ന് മിനുറ്റ്സിൽ പറയുന്നു. ഭൂമിതരം മാറ്റി നൽകാൻ ആർഡിഡിക്ക് നിർദേശം നൽകിയതായും മിനുറ്റ്സിൽ പറഞ്ഞിട്ടുണ്ട്.

ബ്രൂവറി നിർമാണം പഞ്ചായത്തിനെ അറിയിച്ചിട്ടില്ലെന്ന വാദം കളളമാണെന്ന് തെളിയിക്കുന്നതാണ് ഈ മിനുറ്റ്സ്. പഞ്ചായാത്ത് സെക്രട്ടറി ഓൺലൈൻ യോ​ഗത്തിൽ പങ്കെടുത്തിരുന്നുവെന്ന് മിനുറ്റ്സിൽ പറയുന്നുണ്ട്. പഞ്ചായത്ത് സെക്രട്ടറിയെ കെഎസ്ഐഡിസി ക്ഷണിച്ച കത്തും പുറത്തുവന്നിട്ടുണ്ട്. എന്നാൽ താൻ യോ​ഗത്തിൽ പങ്കെടുത്തില്ലെന്നാണ് പഞ്ചായത്ത് സെക്രട്ടറി മാധ്യമങ്ങളോട് പറഞ്ഞത്. തനിക്ക് പകരം അസിസ്റ്റന്റ് സെക്രട്ടറിയാണ് യോ​ഗത്തിൽ പങ്കെടുത്തതെന്നും പഞ്ചായത്ത് സെക്രട്ടറി പറഞ്ഞു.

2024 ഫെബ്രുവരി 22ന് തനിക്ക് കെഎസ്ഐഡിസിയിൽ നിന്ന് കത്ത് ലഭിച്ചിരുന്നുവെന്നും പഞ്ചായത്ത് സെക്രട്ടറി പറഞ്ഞു. എന്നാൽ യോ​ഗം വിളിച്ചുചേർത്ത ദിവസം താൻ അവധിയിലായിരുന്നു. തനിക്ക് പകരം യോഗത്തിൽ പങ്കെടുത്തത് അസിസ്റ്റൻ്റ് സെക്രട്ട്രിയാണ്. അവധി വിവരം കെഎസ്ഐഡിസി അധികൃതരെ അറിയിച്ചിരുന്നു. ബ്രൂവറി, ഡിസ്റ്റിലറി എന്നിവ കത്തിൽ ഉണ്ടായിരുന്നില്ലെന്നും പഞ്ചായത്ത് സെക്രട്ടറി കൂട്ടിച്ചേർത്തു.

ലിജു ജോൺ എന്ന മെയിൽ ഐഡിയിൽ നിന്നാണ് ഇമെയിൽ ലഭിച്ചതെന്നും സെക്രട്ടറി പറഞ്ഞു. കെഎസ്ഐഡിസിയുടെ ഒഫീഷ്യൽ മെയിലിൽ നിന്നല്ല തനിക്ക് കത്ത് ലഭിച്ചത്. യോഗ വിവരം മാത്രമാണ് കത്തിൽ ഉണ്ടായിരുന്നത്. പഞ്ചായത്തിൻ്റെ നടപടികൾ ആവശ്യമില്ലാത്തതുകൊണ്ടാണ് ഭരണസമിതിയെ അറിയിക്കാതിരുന്നതെന്നും ഒരു വീഴ്ചയും സംഭവിച്ചിട്ടില്ലെന്നും പഞ്ചായത്ത് സെക്രട്ടറി വ്യക്തമാക്കി.

Latest Stories

കേരളത്തില്‍ എത്തുന്ന ദേശീയ-അന്തര്‍ദ്ദേശീയ വ്യക്തികളുടെ വഴി തടയുന്ന നീക്കങ്ങള്‍ അനുവദിക്കില്ല; തുഷാര്‍ ഗാന്ധിയെ തടഞ്ഞവര്‍ക്കെതിരെ നിയമനടപടിയെന്ന് മുഖ്യമന്ത്രി

ഇടുക്കിയിൽ രണ്ട് കിലോ കഞ്ചാവുമായി പത്തൊൻപതുകാരൻ പിടിയിൽ

IPL 2025: ഫെരാരിക്ക് ആറ് ഗിയറുകൾ ഉണ്ട്, പക്ഷെ അത് എല്ലാം....; ഇന്ത്യൻ താരത്തിന് കരിയർ സംഭവിച്ച തിരിച്ചടിയെക്കുറിച്ച് ഡെയ്ൽ സ്റ്റെയ്ൻ പറഞ്ഞത് ഇങ്ങനെ

യുഎസ് മുന്നോട്ട് വെച്ച ഉക്രൈയ്‌നുമായുള്ള വെടിനിർത്തൽ ആശയത്തെ പിന്തുണച്ച് റഷ്യ; പക്ഷേ വിശദാംശങ്ങൾ ക്രമീകരിക്കേണ്ടതുണ്ടെന്ന് പുടിൻ

അന്യസംസ്ഥാനത്ത് നിന്നും നാട്ടിലെത്തിച്ച് അതിഥി തൊഴിലാളികൾക്കിടയിൽ വിൽപന; അരൂരിൽ 1.14 കിലോ കഞ്ചാവുമായി അസം സ്വദേശി പിടിയിൽ

'മകൾ പിന്നിലേക്ക് വലിക്കാൻ ശ്രമിച്ചു, പക്ഷേ അമ്മ മകളെയും വലിച്ചുകൊണ്ട് പാളത്തിലേക്ക് കയറി'; തട്ടിപ്പിനിരയായി പ്രിയയ്ക്ക് വൻതുക നഷ്ടപ്പെട്ടിരുന്നു

കഞ്ചാവ് എത്തിച്ചത് ഹോളി ആഘോഷത്തിനായി? അന്വേഷണ സംഘം കണ്ടത് കഞ്ചാവ് അളന്ന് തൂക്കി ചെറിയ പായ്ക്കറ്റുകളിലേക്ക് മാറ്റുന്ന വിദ്യാർത്ഥികളെ

എന്നെ ടീമിൽ എടുത്തിരുന്നെങ്കിൽ ഓസ്‌ട്രേലിയയുടെ കാര്യത്തിൽ തീരുമാനം ആയേനെ: ചേതേശ്വർ പുജാര

കാർഗിലിൽ ഭൂചലനം; റിക്‌ടർ സ്കെയിലിൽ 5.2 തീവ്രത രേഖപ്പെടുത്തി

കളമശ്ശേരി പോളിടെക്നിക് ഹോസ്റ്റലിൽ നിന്നും കഞ്ചാവ് പിടികൂടിയ സംഭവം; അന്വേഷണത്തിന് ഉത്തരവിട്ട് സാങ്കേതിക വിദ്യാഭ്യാസ വകുപ്പ്