മുംബൈ നോര്‍ത്തിലെ തന്‍റെ പരാജയത്തിന് കാരണം ഇവിഎം മെഷീന്‍ അട്ടിമറിയെന്ന് കോണ്‍ഗ്രസ് സ്ഥാനാര്‍ത്ഥി നടി ഊര്‍മിള മണ്ഡോദ്കര്‍. ബിജെപിയുടെ ഗോപാല്‍ ഷെട്ടിയാണ് ഇവിടെ വിജയിച്ചത്. ബിജെപിക്ക് വലിയ സ്വാധീനമുള്ള മണ്ഡലമാണ് മുംബൈ നോര്‍ത്ത്. ഊര്‍മിളയുടെ താരമൂല്യം കോണ്‍ഗ്രസ് പരമാവധി ഉപയോഗപ്പെടുത്തിയെങ്കിലും വിജയം നേടാനായില്ല.
ഇവിഎം നമ്പറിലും ഫോമിലെ ഒപ്പുകളിലും വലിയ വ്യത്യാസമുണ്ടെന്നാണ് ഊര്‍മിള ആരോപിക്കുന്നത്. സംഭവത്തില്‍ തിരഞ്ഞെടുപ്പ് കമ്മീഷന് പരാതി നല്‍കിയിട്ടുണ്ടെന്നും ഊര്‍മിള പറഞ്ഞു. ഗോപാല്‍ ഷെട്ടി അഞ്ച് ലക്ഷത്തിനു മുകളില്‍ വോട്ടുകള്‍ നേടിയപ്പോള്‍ ഊര്‍മിളയ്ക്കു ലഭിച്ചത് ഒരുലക്ഷത്തിഎഴുപത്തിആറായിരം വോട്ടുകളാണ്.
2014 ലെ ലോക്‌സഭ തിരഞ്ഞെടുപ്പില്‍ ഇതേ മണ്ഡലത്തില്‍ നിന്നും നാലുലക്ഷത്തില്‍ അധികം വോട്ടുകള്‍ നേടിയാണ് ഗോപാല്‍ ഷെട്ടി വിജയിച്ചത്.