അഞ്ച് സംസ്ഥാനങ്ങളില്‍ നടന്ന തിരഞ്ഞെടുപ്പില്‍ ദയനീയ പരാജയം നേരിടേണ്ടി വന്ന സാഹചര്യത്തില്‍ കോണ്‍ഗ്രസിന്റെ ഔദ്യോഗിക ട്വിറ്റര്‍ പേജില്‍ വന്ന ട്വീറ്റാണ് ഇപ്പോള്‍ സമൂഹ മാധ്യമങ്ങളില്‍ ശ്രദ്ധ നേടുന്നത്. രാഹുല്‍ ഗാന്ധിയുടെ ഒരു പഴയ പ്രസംഗത്തിലെ ഭാഗമാണ് ട്വീറ്റ് ചെയ്തിരിക്കുന്നത്.
ഭയം ഒരു തിരഞ്ഞെടുപ്പാണ്. നമ്മള്‍ എന്തിനെയോ ഭയപ്പെടുമ്പോള്‍ അതിനെ ഭയന്നു കൊണ്ടിരിക്കാന്‍ തീരുമാനിക്കുന്നു. പേടിക്കേണ്ടി വരുമെന്ന് നാം ബോധപൂര്‍വ്വം തന്നെ തീരുമാനിക്കുകയാണ്. എന്നാല്‍ എല്ലാക്കാര്യത്തിലും മറ്റൊരു തീരുമാനം കൂടെ എടുക്കാന്‍ കഴിയും. നിങ്ങള്‍ എന്ത് ചെയ്താലും എനിക്ക് ഭയമില്ലെന്ന് പറയാം എന്ന രാഹുല്‍ ഗാന്ധിയുടെ വാക്കുകളാണ് കോണ്‍്ഗ്രസിന്റെ ട്വീറ്റില്‍ പ്രത്യക്ഷപ്പെട്ടിരിക്കുന്നത്.
കോണ്‍ഗ്രസിന്റെ കോട്ടയായ റായ് ബറേലിയിലും ഭരണം നിലനിന്നിരുന്ന പഞ്ചാബിലും അടക്കം കോണ്‍്ഗ്രസിന് കനത്ത തിരിച്ചടിയാണ് നേരിടേണ്ടി വന്നത്. പഞ്ചാബില്‍ മുന്‍ മുഖ്യമന്ത്രിയും നിലവിലെ മുഖ്യമന്ത്രിയും ഉള്‍പ്പെടെ പരാജയം ഏറ്റുവാങ്ങി. അതേ സമയം വന്‍ പ്രചാരണ നടത്തിയിട്ടും തോല്‍ക്കേണ്ടി വന്ന സാഹചര്യത്തെ കുറിച്ച് നേതാക്കന്‍മാര്‍ ആരും പ്രതികരിച്ചിട്ടില്ല.
Fear is a choice. When we're scared of something, we are choosing to be scared of it. We consciously decide that we're going to be scared.
But there is also another decision: You can turn around & say I'm not scared.
No matter what you do, I am not scared.: Shri @RahulGandhi pic.twitter.com/Av1mgtP8UC
— Congress (@INCIndia) March 10, 2022
Read more
