കോവിഡ് -19 ന്റെ രണ്ടാം തരംഗത്തിനിടെ രാജ്യത്ത് 719 ഡോക്ടർമാർ മരിച്ചതായി ഇന്ത്യൻ മെഡിക്കൽ അസോസിയേഷൻ (ഐഎംഎ) ശനിയാഴ്ച (ജൂൺ 12, 2021) അറിയിച്ചു. ബിഹാറിലാണ് ഏറ്റവും കൂടുതല്‍ ഡോക്ടര്‍മാര്‍ കോവിഡ് ബാധിച്ച് മരിച്ചത്- 111 പേര്. കേരളത്തില്‍ കോവിഡ് രണ്ടാം തരംഗത്തില്‍ 24 ഡോക്ടര്‍മാര്‍ മരിച്ചതായും ഐഎംഎ പുറത്തുവിട്ട കണക്കുകള്‍ വ്യക്തമാക്കുന്നു.
ഡൽഹിയില്‍ 109 ഡോക്ടര്‍മാര്‍ കോവിഡ് ബാധിച്ച് മരിച്ചു. ഉത്തർപ്രദേശ് (79), പശ്ചിമ ബംഗാൾ (63), രാജസ്ഥാൻ (43) എന്നിങ്ങനെയാണ് ഡോക്ടര്‍മാര്‍ കൂടുതല്‍ മരിച്ച മറ്റ് സംസ്ഥാനങ്ങളിലെ കണക്ക്.
Indian Medical Association (IMA) says 719 doctors died during second wave of COVID-19 pandemic; maximum 111 doctors lost their lives in Bihar, followed by Delhi (109) pic.twitter.com/4CCFSIMZj6
— ANI (@ANI) June 12, 2021
മെഡിക്കൽ പ്രൊഫഷണലുകളുടെ സുരക്ഷ സംബന്ധിച്ച് ഐഎംഎ മുന്നോട്ടുവച്ച അപേക്ഷകൾ പരിഹരിക്കുന്നതിന് വ്യക്തിപരമായ ഇടപെടൽ ആവശ്യപ്പെട്ട് ഇന്ത്യൻ മെഡിക്കൽ അസോസിയേഷൻ ജൂൺ 7 ന് പ്രധാനമന്ത്രി നരേന്ദ്ര മോദിക്ക് കത്ത് എഴുതിയിരുന്നു.
Indian Medical Association (IMA) writes to Prime Minister Narendra Modi, requesting his personal intervention to resolve IMA's pleas & to ensure "optimum milieu" for medical professionals to work without fear pic.twitter.com/tLK0OjhFzE
— ANI (@ANI) June 7, 2021
ഡോക്ടർമാർക്കും മറ്റെല്ലാ ആരോഗ്യ പ്രവർത്തകർക്കും യാതൊരു ഭയവുമില്ലാതെ ചുമതലകൾ നിറവേറ്റാൻ കഴിയുന്ന തരത്തിൽ സുരക്ഷിതമായ തൊഴിൽ അന്തരീക്ഷം ഉറപ്പാക്കണമെന്ന് ഐഎംഎ കത്തിൽ പ്രധാനമന്ത്രി മോദിയോട് അഭ്യർത്ഥിച്ചിരുന്നു.
Read more
ഇന്ത്യയിൽ കോവിഡ് -19 പകർച്ചവ്യാധി പൊട്ടിപ്പുറപ്പെട്ട 2020 മുതൽ 1,400 ൽ അധികം ഡോക്ടർമാർക്ക് ജീവൻ നഷ്ടപ്പെട്ടുവെന്നും ഐ.എം.എ കത്തിൽ പറഞ്ഞിരുന്നു.
