പാർലമെന്റിന്റെ ശീതകാല സമ്മേളനത്തിന് ഇന്ന് തുടക്കമിട്ടപ്പോൾ രാജ്യമെമ്പാടും കർഷക സമരത്തിന് കാരണമായ മൂന്ന് കാർഷിക നിയമങ്ങളും റദ്ദാക്കാനുള്ള ബിൽ ഇരുസഭകളിലും റെക്കോർഡ് സമയത്തിനുള്ളിൽ പാസാക്കി. ഇന്ന് രാത്രിയോടെ ബില്ലിൽ രാഷ്ട്രപതിയുടെ ഒപ്പ് വാങ്ങിക്കുവാനാണ് സർക്കാർ ഉദ്ദേശിക്കുന്നതെന്നാണ് റിപ്പോർട്ട്.
കാർഷിക നിയമങ്ങൾ അസാധുവാക്കൽ ബിൽ നാല് മിനിറ്റിനുള്ളിൽ ലോക്‌സഭയിൽ പാസാക്കി – ബിൽ ഇന്ന് 12:06 ന് അവതരിപ്പിച്ചു, ചർച്ച ചെയ്യണമെന്ന പ്രതിപക്ഷത്തിന്റെ ആവശ്യങ്ങൾക്കിടയിൽ 12:10 ഓടെ പാസായി.
രാജ്യസഭയിൽ ബിൽ ഹൃസ്വമായ ചർച്ചയ്ക്ക് ശേഷം പാസാക്കി. ബില്ലിൽ എല്ലാ പാർട്ടികൾക്കും യോജിപ്പുണ്ടെന്നും ആരും ഇതിനെ എതിർക്കുന്നില്ലെന്നും കോൺഗ്രസ് നേതാവ് മല്ലികാർജുൻ ഖാർഗെ പറഞ്ഞു.
Read more
നേരത്തെ നിയമം റദ്ദാക്കിയ അഞ്ചോ ആറോ സന്ദർഭങ്ങളിൽ ചർച്ച നടന്നിട്ടുണ്ടെന്ന് ചൂണ്ടിക്കാട്ടി ലോക്‌സഭയിൽ പ്രതിപക്ഷ നേതാക്കൾ ചർച്ച നടക്കാത്തതിനെ എതിർത്തു.
