മൂന്ന് വയസുകാരിയെ പീഡിപ്പിച്ച ശേഷം കൊന്ന് കുഴിച്ചുമൂടിയ പ്രതി പിടിയില്‍. ബീഹാറിലെ മുസഫര്‍പൂറിലാണ് സംഭവം നടന്നത്. സംഭവത്തില്‍ ഇരുപതുകാരനായ ലാല്‍ ബാബു ആണ് പൊലീസിന്റെ പിടിയിലായത്. വെള്ളിയാഴ്ച രാത്രിയാണ് കൊടുംക്രൂരത അരങ്ങേറിയത്. മാതാപിതാക്കള്‍ക്കൊപ്പം ഉറങ്ങിക്കിടക്കുകയായിരുന്ന കുട്ടിയെ പ്രതി തട്ടിക്കൊണ്ടുപോകുകയായിരുന്നു.
വെള്ളിയാഴ്ച വൈകുന്നേരം കുട്ടിയെ കളിക്കാനെന്ന് പറഞ്ഞ് ലാല്‍ ബാബു വീട്ടില്‍ നിന്ന് കൂട്ടിക്കൊണ്ടുപോയിരുന്നു. തുടര്‍ന്ന് ഇയാള്‍ കുട്ടിയെ വീട്ടില്‍ തിരിച്ചെത്തിക്കുകയും ചെയ്തിരുന്നു. എന്നാല്‍ രാത്രി പത്ത് മണിയോടെ ഇയാള്‍ മാതാപിതാക്കള്‍ അറിയാതെ കുട്ടിയെ കടത്തിക്കൊണ്ടുപോകുകയായിരുന്നു.
കുഞ്ഞിനെ കാണാതായതോടെ മാതാപിതാക്കള്‍ പൊലീസില്‍ പരാതി നല്‍കി. സംശയത്തെ തുടര്‍ന്ന് ലാല്‍ ബാബുവിന്റെ ഫോണിലേക്ക് തുടര്‍ച്ചയായി വിളിച്ചെങ്കിലും ഇയാള്‍ ഫോണ്‍ എടുത്തിരുന്നില്ല. ഇതേ തുടര്‍ന്നാണ് പൊലീസ് പ്രതിയെ കസ്റ്റഡിയിലെടുത്തത്. പൊലീസ് ചോദ്യം ചെയ്യലില്‍ പ്രതി കുറ്റം സമ്മതിക്കുകയായിരുന്നു. വീടിന് സമീപത്തെ കൃഷിയിടത്തില്‍ കുഴിച്ചിട്ട നിലയിലായിരുന്നു കുഞ്ഞിന്റെ മൃതദേഹം.