ആം ആദ്മി പാര്‍ട്ടി നേതാവും മുന്‍ മന്ത്രിയുമായ സത്യേന്ദ്ര ജെയിന് ജാമ്യം. കള്ളപ്പണം വെളുപ്പിക്കല്‍ കേസില്‍ ജയിലില്‍ കഴിയുമ്പോഴാണ് കേസില്‍ ജാമ്യം നേടിയത്. രണ്ട് വര്‍ഷത്തിന് ശേഷമാണ് സത്യേന്ദ്ര ജെയിന് ജാമ്യം ലഭിക്കുന്നത്. ഡല്‍ഹി റൗസ് അവന്യൂ കോടതിയാണ് കേസില്‍ സത്യേന്ദ്ര ജെയിന് ജാമ്യം അനുവദിച്ചത്.
സത്യേന്ദ്ര ജെയിന്റെ ജാമ്യാപേക്ഷയെ ഇഡി കോടതിയില്‍ എതിര്‍ത്തു. സത്യേന്ദ്ര ജെയിന് ജാമ്യം അനുവദിച്ചാല്‍ അത് കേസിന്റെ അന്വേഷണത്തെ ബാധിക്കുമെന്ന് ഇഡി കോടതിയില്‍ അറിയിച്ചു. എന്നാല്‍ വിചാരണയിലെ കാലതാമസവും നീണ്ടനാളത്തെ ജയില്‍വാസവും കണക്കിലെടുത്താണ് കോടതി കേസില്‍ ആം ആദ്മി നേതാവിന് ജാമ്യം അനുവദിച്ചത്.
5000 രൂപയുടെ രണ്ട് ആള്‍ജാമ്യത്തിലാണ് കോടതി കേസില്‍ ജാമ്യം നല്‍കിയത്. ജെയിനുമായി ബന്ധപ്പെട്ട് നാല് കമ്പനികളില്‍ സാമ്പത്തിക തിരിമറി നടത്തിയെന്ന് ചൂണ്ടിക്കാട്ടിയായിരുന്നു അറസ്റ്റ്. 2022 മെയ് 30ന് ആയിരുന്നു സത്യേന്ദ്ര ജെയിനെ ഇഡി അറസ്റ്റ് ചെയ്യുന്നത്.