വിദേശകാര്യ മന്ത്രി എസ്. ജയശങ്കറുടെ സുരക്ഷ വര്‍ദ്ധിപ്പിച്ച് ആഭ്യന്തര മന്ത്രാലയം. ഡല്‍ഹി പൊലീസ് നല്‍കുന്ന ‘വൈ’ കാറ്റഗറി സുരക്ഷയായിരുന്നു ഇതുവരെ. സി.ആര്‍.പി.എഫിന്റെ 15 സായുധ കമാന്‍ഡോകള്‍ നല്‍കുന്ന ‘സെഡ്’ സുരക്ഷയാണ് ഇനി നല്‍കുക.
കാനഡ ഇസ്രയേല്‍ വിഷയത്തിലടക്കം ഇന്ത്യ നിലപാടുകള്‍ കടുപ്പിച്ചതിന് പിന്നാലെയാണ് വിദേശകാര്യ മന്ത്രിയുടെ സുരക്ഷ ആഭ്യന്തരമന്ത്രാലയം വര്‍ദ്ധിപ്പിച്ചിരിക്കുന്നത്.
അമിത് ഷാ, സോണിയ ഗാന്ധി, രാഹുല്‍ ഗാന്ധി, പ്രിയങ്ക ഗാന്ധി എന്നിവരടക്കം 176 പേര്‍ക്ക് ‘സെഡ്’ കാറ്റഗറി സുരക്ഷ നല്‍കുന്നുണ്ട്. ഇന്നലെ ഇക്കാര്യം സംബന്ധിച്ച്‌സിആര്‍പിഎഫിന് ആഭ്യന്തരമന്ത്രാലയം നിര്‍ദേശം നല്‍കി. രാജ്യത്തെവിടെയും 15 സായുധ കമാന്‍ഡോകളുടെ കാവലിലായിരിക്കും എസ്. ജയ്ശങ്കര്‍ സഞ്ചരിക്കുക.