ഒരു വിമാനയാത്ര നടത്താന്‍ ആഗ്രഹമില്ലാത്തവരുണ്ടാകില്ല. എന്നാല്‍ അതിനുവേണ്ടി ചെലവഴിക്കേണ്ടി വരുന്ന പണത്തെ കുറിച്ച് ആലോചിക്കുമ്പോള്‍ ആഗ്രഹം വേണ്ടെന്ന് വയ്ക്കുന്നവരാണ് ഏറെയും. എന്നാല്‍ ഇനി കുറഞ്ഞ ചെലവില്‍ എല്ലാവര്‍ക്കും വിമാനയാത്രയെന്ന സ്വപ്‌നം സാക്ഷാത്കരിക്കാനാകും.
ഏറ്റവും കുറഞ്ഞ നിരക്കില്‍ ടിക്കറ്റ് അവതരിപ്പിച്ച് വിമാന യാത്രയെന്ന സ്വപ്‌നത്തിന് ചിറകുനല്‍കുകയാണ് എയര്‍ ഇന്ത്യ എക്‌സ്പ്രസ്. 1177രൂപ മുതല്‍ ആരംഭിക്കുന്ന ടിക്കറ്റ് നിരക്കുകളുമായാണ് എയര്‍ ഇന്ത്യ എക്‌സ്പ്രസിന്റെ ടൈം ടു ട്രാവല്‍ സെയില്‍. സെപ്റ്റംബര്‍ 30 വരെയുള്ള യാത്രകള്‍ക്കായി ജൂണ്‍ 3 വരെ ബുക്ക് ചെയ്യുന്ന ടിക്കറ്റുകള്‍ക്കാണ് ഓഫര്‍ ലഭിക്കുന്നത്.
എയര്‍ ഇന്ത്യ എക്‌സ്പ്രസിന്റെ വെബ് സൈറ്റിലും മൊബൈല്‍ ആപ്പിലും ടിക്കറ്റുകള്‍ ലഭ്യമാണ്. ക്യാബിന്‍ ബാഗേജുമായി യാത്ര ചെയ്യുന്നവര്‍ക്കും എക്‌സ്പ്രസ് ലൈറ്റ് ടിക്കറ്റുകള്‍ 1177 രൂപ മുതല്‍ ലഭ്യമാകും. 10കിലോ വരെ ഭാരമുള്ള ക്യാബിന്‍ ബാഗേജാണ് എക്‌സ്പ്രസ് ലൈറ്റ് യാത്രക്കാര്‍ക്ക് കൈയില്‍ കരുതാവുന്നതാണ്.