കൊങ്കണ്‍ പാതയില്‍ മണ്ണിടിച്ചില്‍ ഉണ്ടായതിനെതുടര്‍ന്ന് അതുവഴി കേരളത്തിലേക്ക് വരുന്നതും പോകുന്നതുമായ ട്രെയിനുകള്‍ റദ്ദാക്കുകയോ വഴിതിരിച്ചുവിടുകയോ ചെയ്തു. രത്‌നഗിരിയിലെ ഖേഡിനും വിഹ്നേര സ്റ്റേഷനും ഇടയിലാണ് ട്രാക്കിലേക്ക് മണ്ണിടിച്ചിലുണ്ടായത്.
ലോക്മാന്യതിലക് ടെര്‍മിനസ്- തിരുവനന്തപുരം സെന്‍ട്രല്‍ നേത്രാവതി എക്സ്പ്രസ്(16345), ലോക്മാന്യതിലക് ടെര്‍മിനസ് -കൊച്ചുവേളി ഗരീബ്രഥ് എക്സ്പ്രസ്( 12201), ബുധനാഴ്ചയുള്ള തിരുവനന്തപുരം സെന്‍ട്രല്‍ -ലോക്മാന്യ തിലക് ടെര്‍മിനസ് നേത്രാവതി എക്സ്പ്രസ്( 16346) , വ്യാഴാഴ്ച പുറപ്പെടേണ്ട കൊച്ചുവേളി-ലോക്മാന്യതിലക് ടെര്‍മിനസ് ഗരീബ്രഥ് എന്നിവ പൂര്‍ണമായും റദ്ദാക്കി.
ഞായറാഴ്ച അമൃത്സറില്‍നിന്ന് പുറപ്പെട്ട കൊച്ചുവേളി എക്സ്പ്രസ് (124840) പുനെ ജങ്ഷന്‍ വഴി തിരിച്ചുവിട്ടു.
