സൈനീക ചട്ടങ്ങള്‍ക്ക് വിരുദ്ധമായി ഹണിമൂണ്‍ പാര്‍ട്ടി സംഘടിപ്പിച്ച ഓഫിസര്‍ വെട്ടിലായി. സംഭവം വിവാദമായതിനെ തുടര്‍ന്ന് പൂണൈ ആസ്ഥാനമായി പ്രവര്‍ത്തിക്കുന്ന ആര്‍മി ഇന്‍സ്റ്റിറ്റ്യൂട്ട് ഓഫ് ടെക്നോളജിയില്‍(എ.ഐ.ടി) നിന്ന് ഓഫിസറെ സ്ഥലം മാറ്റി.
ഈ വര്‍ഷം ആദ്യമാണ് മേജര്‍ റാങ്കിലുള്ള ആര്‍മി ഓഫിസര്‍ എ.ഐ.ടിയില്‍ പഠിക്കുന്ന യുവ ഓഫിസര്‍മാര്‍ക്കും അവരുടെ ഭാര്യമാര്‍ക്കും വേണ്ടി ഹണിമൂണ്‍ തീമില്‍ പാര്‍ട്ടി സംഘടിപ്പിച്ചത്. പാര്‍ട്ടിയുടെ ചിത്രങ്ങള്‍ ആര്‍മി ഗ്രൂപ്പുകളില്‍ വൈറലായതിനേ തുടര്‍ന്ന് പാര്‍ട്ടി സംഘടിപ്പിച്ച ഓഫിസര്‍ക്കെതിരെവിമര്‍ശനം ഉയര്‍ന്നു.തുടര്‍ന്നാണ്് പരിപാടി സംഘടിപ്പിച്ച ഓഫിസറെ പൂണെ ആസ്ഥാനത്ത് നിന്നും ഛത്തീസ്ഗഡിയേക്ക് സ്ഥലം മാറ്റിയത്.
Read more
പാര്‍ട്ടി സംഘടിപ്പിച്ച ഹാളിന്റെ മധ്യത്തില്‍ കിടക്ക വിരിച്ചതും അശ്ലീല ചിത്രങ്ങളുടെ കട്ടൗട്ടുകള്‍ പ്രദര്‍ശനത്തിന് വച്ചതും സ്ത്രീകളെ അപമാനിയ്ക്കുന്നതിന് തുല്യമാണ്, സൈന്യം എന്നും സ്ത്രീകളെ ബഹുമാനിയ്ക്കുന്നവരാണ.് അതുകൊണ്ടാണ് ഇത്തരത്തില്‍ പാര്‍ട്ടി സംഘടിപ്പിച്ച ഓഫിസര്‍ക്കെതിരെ അച്ചടക്ക നടപടി ഉണ്ടായത്-ഉന്നതോദ്യോഗസ്ഥന്‍ വ്യക്തമാക്കി. അടുത്തകാലത്തായി സദാചാര വിരുദ്ധമായി ആര്‍മിയുടെ ചട്ടം ലംഘിക്കുന്നവര്‍ക്കെതിരെ കര്‍ശന നടപടികളാണ് അധികാരികള്‍ കൈക്കൊള്ളുന്നത്.
