“ഇന്ത്യൻ സിനിമയിലെ ഖാൻ ത്രിമൂർത്തികളുടെ” സ്വത്തിന്റെ നിയമസാധുതയെ ചോദ്യം ചെയ്ത് മുൻ കേന്ദ്ര കാബിനറ്റ് മന്ത്രി സുബ്രഹ്മണ്യൻ സ്വാമി. “3 ഖാൻ മസ്കറ്റീയർമാർ ഇന്ത്യയിലും വിദേശത്തും പ്രത്യേകിച്ച് ദുബായിലും സൃഷ്ടിച്ച സ്വത്തുക്കൾ അന്വേഷിക്കേണ്ടതുണ്ട്. ആരാണ് അവർക്ക് അവിടെ ബംഗ്ലാവുകളും സ്വത്തുക്കളും സമ്മാനിച്ചത്, അവർ അത് എങ്ങനെ വാങ്ങി, അതിന്റെ ഉടമ്പടികൾ എന്നിവ ഇ.ഡി, ഐ.ടി, സി.ബി.ഐ എന്നിവയുടെ എസ്‌.ഐ.ടി അന്വേഷിക്കേണ്ടതുണ്ട്. അവർ നിയമത്തിന് അതീതരാണോ?”- സുബ്രഹ്മണ്യൻ സ്വാമി തന്റെ ട്വിറ്ററിൽ കുറിച്ചു.
The assets created by these 3 Khan Musketeers in India and abroad especially in Dubai need to be investigated . Who gifted them bunglows and properties there and how they bought it and the cartelisation needs to be investigated by SIT of ED , IT and CBI. Are they above the law?
— Subramanian Swamy (@Swamy39) July 11, 2020
ബോളിവുഡിലെ അഭിനേതാക്കളായ ഷാരൂഖ് ഖാൻ, സൽമാൻ ഖാൻ, ആമിർ ഖാൻ എന്നിവരെയാണ് “3 ഖാൻ മസ്കറ്റിയേഴ്സ് ഇൻ ഇന്ത്യ” എന്ന പ്രയോഗം കൊണ്ട് സുബ്രഹ്മണ്യൻ സ്വാമി ഉദ്ദേശിച്ചത്.
അന്തരിച്ച നടൻ സുശാന്ത് സിംഗ് രജ്പുത്തിന്റെ ആത്മഹത്യക്കേസുമായി ബന്ധപ്പെട്ട് ബോളിവുഡിലെ ചില വലിയ പേരുകളുടെ നിശ്ശബ്ദതയെ കുറിച്ചും സുബ്രഹ്മണ്യൻ സ്വാമി ചോദ്യങ്ങൾ ഉന്നയിച്ചിട്ടുണ്ട്. സുശാന്ത് സിംഗ് രജ്പുത്തിന്റെ ആത്മഹത്യക്കേസിൽ സി.ബി.ഐ അന്വേഷണം വേണോ എന്ന് കണ്ടെത്താൻ അഭിഭാഷകനെ നിയോഗിച്ചതായി സുബ്രഹ്മണ്യൻ സ്വാമി നേരത്തെ ട്വീറ്റിലൂടെ വെളിപ്പെടുത്തിയിരുന്നു.
I have asked Ishkaran to look into facts of Sushant Singh Rajput death case & see whether it's a fit Case for CBI investigation. Then accordingly to see justice is done. For Updates follow @ishkarnBHANDARI
— Subramanian Swamy (@Swamy39) July 9, 2020
Read more
