ഇന്ത്യയെ സംബന്ധിച്ച് വലിയ വിവരങ്ങൾ ഉടനെന്ന് കുറിപ്പ് പങ്കുവച്ച് ഹിൻഡൻബർഗ് റിസർച്ച്. എക്സിലാണ് ഇത് സംബന്ധിച്ച വിവരങ്ങൾ ഹിൻഡൻബർഗ് പങ്കുവച്ചത്. ഇത് രണ്ടാം തവണയാണ് ഇന്ത്യയെ സംബന്ധിച്ച സുപ്രധാന വിവരങ്ങൾ പുറത്ത് വിടുമെന്ന് ഹിൻഡൻബർഗ് അറിയിക്കുന്നത്.
നേരത്തെ അദാനിയെക്കുറിച്ചുള്ള റിപ്പോർട്ട് വൻ കോളിളക്കം സൃഷ്ഠിച്ചിരുന്നു. ഓഹരി വിപണിയുമായി ബന്ധപ്പെട്ട് അദാനി ഗ്രൂപ്പ് കൃത്രിമത്വം കാട്ടിയെന്നാണ് ഹിൻഡൻബർഗ് നേരത്തെ പുറത്ത് വിട്ട റിപ്പോർട്ട്. 2023 ജനുവരി 24നായിരുന്നു അദാനി ഗ്രൂപ്പില്‍ അടിമുടി തട്ടിപ്പാണെന്ന റിപ്പോർട്ട് ഹിന്‍ഡന്‍ബര്‍ഗ് പുറത്തുവിട്ടത്. ഇതിന് പിന്നാലെയാണിപ്പോൾ പുതിയ റിപ്പോർട്ട് പുറത്ത് വിടാൻ ഹിൻഡൻബർഗ് ഒരുങ്ങുന്നത്.