വാഹനപൂജയ്ക്കിടെ ഒരു ബൈക്ക് പൊട്ടിത്തെറിച്ച ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈ റലാകുന്നത്. നിരവധി പേരാണ് ബൈക്ക് പൊട്ടിത്തെറിക്കുന്ന വീഡിയോ ട്വിറ്ററില്‍ പങ്കുവെച്ചിരിക്കുന്നത്. ആന്ധ്രയിലെ അനന്തപുര്‍ ജില്ലയിലാണ് സംഭവം.
വാഹനപൂജ നടത്തുന്നതിനിടെ പുതിയ ബൈക്കിന് അപ്രതീക്ഷിതമായി തീപിടിക്കുകയും ശേഷം പൊട്ടിത്തെറിക്കുകയായിരുന്നുവെന്നാണ് ഇവരുടെ വാദം. സംഭവത്തിന്റെ വസ്തുതകള്‍ പരിശോധിച്ചുവരികയാണെന്ന് പോലീസ് അറിയിച്ചു. പൊട്ടിത്തെറിയില്‍ ആളപായമുണ്ടായതായി ഇതുവരെ റിപ്പോര്‍ട്ടുകളൊന്നും ലഭിച്ചിട്ടില്ല.
കസപുരം ആഞ്ജനേയ സ്വാമി ക്ഷേത്രത്തിന് മുന്നില്‍ പൂജ നടത്താനായി ബൈക്ക് നിര്‍ത്തിയതിന് ശേഷമാണ് ബൈക്ക് കത്തിനശിച്ചതെന്നാണ് റിപ്പോര്‍ട്ട്. ബൈക്കിന് പെട്ടെന്ന് തീപിടിച്ച് വലിയ ശബ്ദത്തോടെ പൊട്ടിത്തെറിക്കുകയായിരുന്നു. ബൈക്കില്‍ നിന്ന് വലിയ തീ പടരുന്നത് കണ്ട് ക്ഷേത്രത്തിന് സമീപമുണ്ടായിരുന്ന പലരും ഞെട്ടി. ഉടന്‍ തന്നെ പരിസരവാസികള്‍ ചേര്‍ന്ന് തീ അണച്ചു.
A bike blew up in Guntakal of Anantapur district of Andhra. They are claiming it blew up while performing puja to new bike. Police are verifying facts #bike #AndhraPradesh pic.twitter.com/yi6AQrvnXu
— Sudhakar Udumula (@sudhakarudumula) April 3, 2022
Read more
