ശിവസേനയില്‍ നിന്ന് മുംബൈ പിടിച്ചെടുക്കാനാണ് ഏക്നാഥ് ഷിന്‍ഡെയെ ബിജെപി മഹാരാഷ്ട്ര മുഖ്യമന്ത്രിയാക്കിയതെന്ന് ശിവസേനാ നേതാവ് സഞ്ജയ് റാവത്ത്. ഷിന്‍ഡെയുടെ നേതൃത്വത്തിലുള്ള വിമതനീക്കത്തെ തുടര്‍ന്ന് ജൂണ്‍ 29നാണ് ഉദ്ധവ് താക്കറെ മുഖ്യമന്ത്രി പദം രാജിവെച്ചത്.
30നാണ് ഏക്നാഥ് ഷിന്‍ഡെ മുഖ്യമന്ത്രിയായി അധികാരമേത്. ദേവന്ദ്ര ഫഡ്നാവിസാണ് ഉപമുഖ്യമന്ത്രി. ഷിന്‍ഡെ ശിവസേനക്കാരനല്ലെന്ന് ഉദ്ധവ് താക്കറെ ഇന്നലെ വ്യക്തമാക്കിയതാണ്. അടുത്ത വര്‍ഷം തദ്ദേശ തെരഞ്ഞെടുപ്പ് നടക്കാനിരിക്കുന്ന മുംബൈയില്‍ ശിവസേനയെ തോല്‍പ്പിക്കാന്‍ ഷിന്‍ഡെയെ ഉപയോഗിക്കുകയാണെന്ന് ഇപ്പോള്‍ വ്യക്തമായിരിക്കുന്നു” – സഞ്ജയ് റാവത്ത് പറഞ്ഞു.
രണ്ട് പതിറ്റാണ്ടിലേറെയായി ബ്രിഹാന്‍ മുംബൈ മുന്‍സിപ്പല്‍ കോര്‍പറേഷന്‍ (ബിഎംസി) ഭരിക്കുന്നത് ശിവസേനയാണ്. കോണ്‍ഗ്രസ് നിരവധി തവണ പിളര്‍ന്നെങ്കിലും ഇന്ദിരാ ഗാന്ധിയുടെ കോണ്‍ഗ്രസ് ഇപ്പോഴും നിലനില്‍ക്കുന്നുണ്ട്. താക്കറെ ഉള്ളിടത്താണ് ശിവസേന ഉണ്ടാവുകയെന്നും സഞ്ജയ് റാവത്ത് പറഞ്ഞു.
വെള്ളിയാഴ്ച സഞ്ജയ് റാവത്തിനെ കള്ളപ്പണ ഇടപാടുമായി ബന്ധപ്പെട്ട് ഇ.ഡി ചോദ്യം ചെയ്തിരുന്നു. ”10 മണിക്കൂറോളമാണ് ഇ.ഡി എന്നെ ഗ്രില്‍ ചെയ്തത്. കൂടുതല്‍ എന്തെങ്കിലും വിവരം വേണമെങ്കില്‍ ഇനിയും സഹകരിക്കാമെന്ന് അവരോട് പറഞ്ഞിട്ടുണ്ട്. സഞ്ജയ് റാവത്ത് പറഞ്ഞു.