പ്രണയിതാക്കൾ തങ്ങളുടെ പ്രണയത്തിലെ നിമിഷങ്ങൾ സോഷ്യൽ മീഡിയയിൽ പങ്കുവയക്കുന്നത് സാധരണയാണ്. പലരുടേയും സ്നേഹ പ്രകടനങ്ങൾ കൗതുകം ഉണർത്തുമ്പോൾ, പലർക്കും അത് അസ്വസ്തതയും ഉണ്ടാക്കാറുണ്ട്. അത്തരത്തിൽ ഒരുവീഡിയോയാണ് ഇപ്പോള്‍ പൊലീസ് നടപടിവരെ എത്തി നില്‍ക്കുന്നത്. ഉത്തര്‍ പ്രദേശിലെ നോയിഡയിലെ ഒരു പാര്‍ക്കില്‍ നിന്നുള്ള കമിതാക്കളുടെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. അതോടെ സംഭവം പൊലീസിലുമെത്തി.
പാര്‍ക്കിൽ വെള്ളം കുടിച്ചുകൊണ്ടിരുന്ന യുവതിയുടെ അടുത്തേക്ക് വരുന്ന യുവാവ് യുവതിയുടെ വിരലില്‍ മോതിരം അണിയിക്കുന്നു. അതോടെ യുവതി വായിലുണ്ടായിരുന്ന വെള്ളം യുവാവിന്റെ വായിലേക്ക് പകരുന്നതും ഇരുവരും ചിരിക്കുന്നതുമാണ് വീഡിയോയില്‍ ഉള്ളത്.
വീഡിയോയെ വിമര്‍ശിച്ചുകൊണ്ടാണ് അത് ഗ്രേറ്റര്‍ നോയിഡ എക്‌സ് അക്കൗണ്ടിലൂടെ ഷെയര്‍ ചെയ്തത്.’ഡല്‍ഹി മെട്രോയ്ക്ക് ശേഷം ഇപ്പോള്‍ നോയിഡ സെക്ടര്‍ -78 ലെ വേദവന്‍ പാര്‍ക്കിലും ലൈക്കുകള്‍ക്കും കമന്റുകള്‍ക്കും വേണ്ടി അപഹാസ്യമായ റീലുകള്‍ ചിത്രീകരിക്കുന്ന ആളുകള്‍ എത്തിത്തുടങ്ങിയിരിക്കുന്നു, പൊതുസ്ഥലങ്ങളില്‍ ഇത്തരം റീലുകള്‍ ചിത്രീകരിക്കുന്നത് നിരോധിക്കണം’ എന്ന കുറിപ്പോടെയാണ് വീഡിയോ പങ്കുവെച്ചത്.
ഇതോടെ പൊലീസ് ഇടപെട്ടു. പ്രദേശത്ത് പട്രോളിംഗിനും പരിശോധനയ്ക്കും ആവശ്യമായ നടപടികള്‍ സ്വീകരിക്കും. ജാഗ്രത പുലര്‍ത്താന്‍ സെക്ടര്‍-113 നോയിഡ സ്റ്റേഷന്‍ ഇന്‍ചാര്‍ജിന് (മൊബൈല്‍ നമ്പര്‍- 8851066516) നിര്‍ദേശം നല്‍കിയിട്ടുണ്ട്. സൈബര്‍ സെല്ലിന്റെ സഹായത്തോടെ തിരിച്ചറിയല്‍ നടത്തുമെന്നും. നോയിഡ ഡിസിപി പ്രതികരിച്ചു.