കഴിഞ്ഞയാഴ്ച കോവിഡ് സ്ഥിരീകരിച്ച ഡൽഹി ഉപമുഖ്യമന്ത്രി മനീഷ് സിസോദിയയെ പനി, ശ്വസ തടസ്സം തുടങ്ങിയ ബുദ്ധിമുട്ടുകളെ തുടർന്ന് ലോക് നായക് ജയപ്രകാശ് ആശുപത്രിയിൽ പ്രവേശിപ്പിച്ചു. സെപ്റ്റംബർ 14- ന് കോവിഡ് പോസിറ്റീവ് ആയതിനെ തുടർന്ന് അദ്ദേഹം ഔദ്യോഗിക വസതിയിൽ സ്വയം ഐസൊലേഷനിൽ ആയിരുന്നു.
രോഗാവസ്ഥയോ സങ്കീർണതകളോ ഇല്ലാത്തതും വൃദ്ധരല്ലാത്തവരുമായ രോഗികൾക്ക് ഹോം ക്വാറൻറൈൻ ആണ് നിർദ്ദേശിക്കുന്നത്. തനിക്ക് കോവിഡ് പിടിപെട്ടതായും താനുമായി സമ്പർക്കം പുലർത്തിയവർ ശ്രദ്ധിക്കണമെന്നും അറിയിച്ചു കൊണ്ട് സെപ്റ്റംബർ 14- ന് മനീഷ് സിസോദിയ ട്വീറ്റ് ചെയ്തിരുന്നു.
ഡൽഹിയിൽ പകർച്ചവ്യാധിക്കെതിരായ പോരാട്ടത്തിൽ മറ്റു മന്ത്രിമാരോടൊപ്പം സജീവമായ പങ്കുവഹിച്ചു വരികയായിരുന്നു 48- കാരനായ മനീഷ് സിസോദിയ.