ഡല്‍ഹി നിയമസഭാ തിരഞ്ഞെടുപ്പിന്റെ വോട്ടെണ്ണല്‍ തുടങ്ങി. വോട്ടെണ്ണല്‍ രാവിലെ 8 നു തുടങ്ങി. 9 മുതല്‍ ആദ്യസൂചനകള്‍ ലഭിക്കും. 11 മണിയോടെ ചിത്രം വ്യക്തമാകും. ഡല്‍ഹിയില്‍ വിജയം ഉറപ്പെന്ന ആത്മവിശ്വാസമാണ് ഉപമുഖ്യമന്ത്രി മനീഷ സിസോദിയ പങ്കുവെച്ചത്. എന്നാല്‍, ഡല്‍ഹി ഫലത്തില്‍ ആശങ്കയില്ലെന്ന് ബിജെപി സംസ്ഥാന അദ്ധ്യക്ഷന്‍ മനോജ് തിവാരി പറഞ്ഞു. 55 സീറ്റ് കിട്ടിയാലും അത്ഭുതപ്പെടാനില്ലെന്നും അദ്ദേഹം പറഞ്ഞു. അതേസമയം, ആം ആദ്മി ഓഫീസുകള്‍ തിരഞ്ഞെടുപ്പ് വിജയം ആഘോഷിക്കുവാന്‍ തയ്യാറായി കഴിഞ്ഞു.
2015- ലെ തിരഞ്ഞെടുപ്പില്‍ 70 ല്‍ 67 സീറ്റും എഎപി തൂത്തുവാരിയിരുന്നു. ബിജെപി 3 സീറ്റാണു നേടിയത്. 1998 മുതല്‍ തുടര്‍ച്ചയായി 3 തവണ അധികാരത്തിലെത്തിയ കോണ്‍ഗ്രസാകട്ടെ കഴിഞ്ഞ തവണ ഒരു സീറ്റില്‍ പോലും ജയിച്ചില്ല.
അധികാര തുടര്‍ച്ചയാണ് ആം ആദ്മി പാര്‍ട്ടി ലക്ഷ്യമിടുന്നത്. എക്‌സിറ്റ് പോളുകളെല്ലാം എഎപിക്ക് വിജയം പ്രവചിച്ചി രുന്നു.