ഡൽഹി- സിഡ്നി എയർ ഇന്ത്യ വിമാനം ആകാശ ചുഴിയിൽ പെട്ടു. അപകടത്തിൽ വിമാനം ശക്തിയായി ഉലഞ്ഞ് യാത്രക്കാർക്ക് പരിക്കേറ്റു. യാത്രക്കാരിൽ ഏഴു പേർക്കാണ് പരിക്കേറ്റത്. ഇവർക്ക് വിമാനത്തിനുള്ളിൽ തന്നെ പ്രഥമ ശുശ്രൂഷ നൽകിയിരുന്നു. പിന്നീട് സിഡ്‌നിയിൽ എത്തിയ ശേഷം തുടർ ചികിത്സയും നൽകി. ആർക്കും ഗുരുതരമായ പരിക്കുകളില്ല.
ഡൽഹിയിൽ നിന്ന് ഓസ്‌ട്രേലിയയിലെ സിഡ്‌നിയിലേക്ക് പോയ വിമാനമാണ് ചുഴിയിൽ പെട്ടത്. വായുവിൽ ഉണ്ടാകുന്ന വ്യതിയാനം കാരണം വിമാനങ്ങൾ യാത്രയ്ക്കിടെ ഉലയുന്നത് സാധാരണമാണെങ്കിലും അത് യാത്രക്കാർക്ക് പരിക്കുണ്ടാകും വിധം ശക്തമാകുന്നത് അപൂർവമാണ്. സംഭവത്തെപ്പറ്റി എയർ ഇന്ത്യയും വ്യോമയാന മന്ത്രാലയതും അന്വേഷണം തുടങ്ങിയിട്ടുണ്ട്.
