ആന്‍ഡമാന്‍ നിക്കോബാര്‍ ദ്വീപുകളിലെ തെക്കു-കിഴക്കന്‍ പോര്‍ട്ട് ബ്ലെയറില്‍ ഭൂചലനം. തിങ്കളാഴ്ച്ച പുലര്‍ച്ചെയാണ് റിക്ടര്‍ സ്‌കെയിലില്‍ 4.3 തീവ്രത രേഖപ്പെടുത്തിയ ഭൂചലനം അനുഭവപ്പെട്ടത്.
പോര്‍ട്ട് ബ്ലെയറിന് 218 കിലോമീറ്റര്‍ തെക്കുകിഴക്കായി ഉള്‍ക്കടലില്‍ 16 കിലോമീറ്റര്‍ ആഴത്തിലാണ് ഭൂചലനം ഉണ്ടായത്. നാഷണല്‍ സെന്റര്‍ ഫോര്‍ സീസ്‌മോളജി (എന്‍സിഎസ്) ആണ് ട്വിറ്ററിലൂടെ വിവരങ്ങള്‍ പുറത്തുവിട്ടത്.
ഇതിനു മുമ്പ് ആന്‍ഡമാന്‍ നിക്കോബാര്‍ ദ്വീപുകളിലെ ദിഗ്ലിപ്പൂര്‍ മേഖലയില്‍ ഒക്ടോബര്‍ 27ന് റിക്ടര്‍ സ്‌കെയിലില്‍ 4.0 തീവ്രത രേഖപ്പെടുത്തിയ ഭൂചലനം ഉണ്ടായിരുന്നു.