ജയ്പൂരില്‍ പൊലീസ് വാഹനം അപകടത്തില്‍പ്പെട്ട് അഞ്ച് പേര്‍ മരിച്ചു. ഡല്‍ഹിയില്‍ നിന്ന് ഗുജറാത്തിലേക്ക് പ്രതിയുമായി പോകുകയായിരുന്ന ഗുജറാത്ത് പൊലീസിന്റെ വാഹനമാണ് അപകടത്തില്‍പ്പെട്ടത്. നാല് പൊലീസ് ഉദ്യോഗസ്ഥരും ഒരു പ്രതിയുമാണ് മരിച്ചത്.
ജയ്പൂരിലെ ഭബ്രൂ മേഖലയില്‍ വച്ചായിരുന്നു അപകടം. അപകടത്തില്‍ വാഹനം പൂര്‍ണ്ണമായും തകര്‍ന്നു. അഞ്ച് പേരും സംഭവ സ്ഥലത്ത് വച്ച തന്നെ മരിച്ചു.
സംഭവത്തില്‍ രാജസ്ഥാന്‍ മുഖ്യമന്ത്രി അശോക് ഗെലോട്ട് അനുശോചനം രേഖപ്പെടുത്തി. മരിച്ചവരുടെ മൃതദേഹങ്ങള്‍ ഷാപുരയിലെ സര്‍ക്കാര്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.