തമിഴ്നാട് മുന്‍ മുഖ്യമന്ത്രി ഒ പനീര്‍ശെല്‍വത്തെ ചെന്നൈയിലെ ആശുപത്രിയില്‍ പ്രവേശിപ്പിച്ചു. കോവിഡ് സ്ഥിരീകരിച്ചതിനെ തുടര്‍ന്നാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്.
അദ്ദേഹം നിരീക്ഷണത്തിലാണെന്നും ആരോഗ്യനില തൃപ്തികരമാണെന്നും ആശുപത്രി അധികൃതര്‍ അറിയിച്ചു. പനീര്‍ശെല്‍വം വേഗം സുഖം പ്രാപിക്കട്ടെയെന്ന് മുഖ്യമന്ത്രി എം കെ സ്റ്റാലിന്‍ ആശംസിച്ചു.
അതേസമയം, തമിഴ്‌നാട്ടിലെ പ്രതിപക്ഷ കക്ഷിയായ അണ്ണാ ഡിഎംകെയില്‍ ഇപിഎസ്, ഒപിഎസ് വിഭാഗങ്ങള്‍ പരസ്പം പുറത്താക്കി പോര് തുടരുകയാണ്. കഴിഞ്ഞയാഴ്ച നടന്ന ജനറല്‍ കൗണ്‍സില്‍ യോഗത്തിന് ശേഷം പളനിസ്വാമിയും പനീര്‍ശെല്‍വവും പരസ്പരം പാര്‍ട്ടിയില്‍ നിന്ന് പുറത്താക്കിയിരുന്നു.
എടപ്പാടി പക്ഷത്തെ 44 പേരെ കൂടി പുറത്താക്കിയതായി പനീര്‍ശെല്‍വം അറിയിച്ചു. തമ്മിലടിയെ തുടര്‍ന്ന് പൂട്ടി മുദ്രവച്ച പാര്‍ട്ടി ആസ്ഥാനം തുറക്കണം എന്നാവശ്യപ്പെട്ട് ഇപിഎസും ഒപിഎസും നല്‍കിയ ഹര്‍ജികളില്‍ തിങ്കളാഴ്ച കോടതി വിധി പറയും.