പെഗാസസ് ഫോൺ ചോർത്തൽ ആരോപണത്തെ തുടർന്ന് പാർലമെന്റിൽ ഒരാഴ്ചയായി തുടരുന്ന പ്രതിസന്ധി അവസാനിപ്പിക്കാൻ സർക്കാർ പ്രതിപക്ഷത്തെ സമീപിച്ചു. പാർലമെന്ററി കാര്യമന്ത്രി പ്രഹ്ളാദ് ജോഷി കോൺഗ്രസിന്റെ മനീഷ് തിവാരി, നാഷണലിസ്റ്റ് കോൺഗ്രസിന്റെ സുപ്രിയ സുലെ എന്നിവരെ കണ്ടു.
കേന്ദ്ര ആഭ്യന്തരമന്ത്രി അമിത് ഷാ ലോക്സഭാ സ്പീക്കർ ഓം ബിർളയുമായി ഉച്ചഭക്ഷണത്തിന് യോഗം ചേർന്നിരുന്നു. ജൂലൈ 18 ന് പെഗാസസ് സ്പൈവെയർ ഫോൺ ചോർത്തൽ ആരോപണം ഉന്നയിക്കപ്പെട്ടതിനെത്തുടർന്ന് പാർലമെന്റിന്റെ വർഷകാല സമ്മേളനത്തിൽ ഒരു വ്യവഹാരവും നടന്നിട്ടില്ല.
“സർക്കാരുകൾക്ക്” മാത്രമാണ് സോഫ്റ്റ്വെയർ നൽകുന്നതെന്ന് ഇസ്രായേലി മിലിട്ടറി-ഗ്രേഡ് സോഫ്റ്റ്വെയറിന്റെ നിർമ്മാതാക്കളായ എൻ‌എസ്‌ഒ പ്രഖ്യാപിച്ചതോടെ പ്രതിപക്ഷ പാർട്ടികൾ പ്രധാനമന്ത്രി നരേന്ദ്ര മോദിയുടെ വിശദീകരണം ആവശ്യപ്പെട്ടിട്ടുണ്ട്.
ഈ വിഷയത്തിൽ ആഭ്യന്തരമന്ത്രി അമിത് ഷായുടെ രാജിയും പ്രധാനമന്ത്രി മോദിക്കെതിരെ അന്വേഷണവുമാണ് കോൺഗ്രസ് ആവശ്യപ്പെടുന്നത്. പ്രതിപക്ഷ എം.പിമാർ മുദ്രാവാക്യം വിളിക്കുകയും സഭയുടെ നടുത്തളത്തിൽ പ്രതിഷേധിക്കുകയും ചെയ്തതിനാൽ ഇന്നും രാജ്യസഭ സമ്മേളനം മാറ്റിവച്ചു.
ലോക്സഭയിൽ തുടർച്ചയായ തടസ്സങ്ങൾക്കും മുദ്രാവാക്യങ്ങൾക്കും ഇടയിൽ സ്പീക്കർ ഓം ബിർള സഭാ നടപടികൾ മാറ്റിവച്ചു.
രാജ്യസഭാ ചെയർമാൻ വെങ്കയ്യ നായിഡു ഈ തടസ്സങ്ങളിൽ ആശങ്ക പ്രകടിപ്പിച്ചു. 90 അംഗങ്ങളുടെ നോട്ടീസ് അംഗീകരിച്ചതിന് ശേഷവും പൊതു പ്രാധാന്യമുള്ള പ്രശ്നങ്ങൾ ഉന്നയിക്കാനുള്ള അവരുടെ അവസരങ്ങൾ നിഷേധിക്കപ്പെടുകയാണെന്ന് അദ്ദേഹം പറഞ്ഞു.
പെഗാസസ് വിഷയത്തിൽ ഐടി മന്ത്രി അശ്വിനി വൈഷ്ണവിന്റെ പ്രസ്താവന എഴുതിയ കടലാസ് തട്ടിപ്പറിച്ച്‌ കീറിക്കളഞ്ഞതിനും കോലാഹലത്തിനിടയിൽ തള്ളിയിട്ടതിനും തൃണമൂൽ കോൺഗ്രസ് രാജ്യസഭാ അംഗം ഡോ. സന്തനു സെന്നിനെ വർഷകാല സമ്മേളനത്തിൽ നിന്നും കഴിഞ്ഞ ദിവസം സസ്‌പെൻഡ് ചെയ്തിരുന്നു.
Read more
കോവിഡ് വ്യാപനത്തെ തുടർന്ന് പാർലമെന്റിന്റെ മൂന്ന് സമ്മേളനങ്ങൾ വെട്ടിക്കുറച്ചപ്പോൾ കഴിഞ്ഞ വർഷത്തെ ശൈത്യകാല സമ്മേളനം റദ്ദാക്കേണ്ടിവന്നു.
