എലോൺ മസ്‌കിന്റെ ഗ്രോക്ക് എഐയും ഇന്ത്യൻ സർക്കാരും തമ്മിൽ ഏറ്റുമുട്ടലിന്റെ പാതയിലേക്ക് നീങ്ങുണെന്ന് സൂചന. ഹിന്ദി ഭാഷയുടെ ദുരുപയോഗവും എഐ ചാറ്റ്ബോട്ട് സംബന്ധിച്ച സമീപകാല സംഭവത്തിൽ ഇൻഫർമേഷൻ ആൻഡ് ടെക്നോളജി മന്ത്രാലയം സോഷ്യൽ മീഡിയ പ്ലാറ്റ്‌ഫോമുമായി ബന്ധപ്പെട്ടിട്ടുണ്ടെന്നും പ്രശ്‌നങ്ങൾ പരിശോധിക്കുമെന്നും പി‌ടി‌ഐയോട് പറഞ്ഞു.
അധിക്ഷേപകരമായ ഭാഷ ഉപയോഗിക്കുന്നതിന് കാരണമായ കാര്യങ്ങളും ഘടകങ്ങളും മന്ത്രാലയം പരിശോധിക്കുമെന്ന് അവർ പറഞ്ഞു. “എന്തുകൊണ്ടാണ് ഇത് സംഭവിക്കുന്നത്, എന്താണ് പ്രശ്‌നങ്ങൾ എന്നിവ കണ്ടെത്താൻ ഞങ്ങൾ അവരുമായി (എക്സ്) സംസാരിക്കുന്നുണ്ട്. അവർ ഞങ്ങളുമായി ഇടപഴകുന്നുണ്ട്.” വൃത്തങ്ങൾ പറഞ്ഞു. ഐടി മന്ത്രാലയം ഇക്കാര്യം പരിശോധിച്ചു വരികയാണെന്നും കൂട്ടിച്ചേർത്തു.
എലോൺ മസ്‌കിന്റെ എക്‌സിലെ ശക്തമായ AI ചാറ്റ്‌ബോട്ടായ ഗ്രോക്ക്, ഉപയോക്താക്കളുടെ പ്രകോപനത്തിന് ശേഷം ഹിന്ദിയിലുള്ള പ്രതികരണത്തിൽ അധിക്ഷേപങ്ങളും ഭാഷാപ്രയോഗങ്ങളും നിറഞ്ഞുനിന്നപ്പോൾ, അതിന്റെ വന്യമായ വശം നെറ്റിസൺമാരെ ഞെട്ടിച്ചു. ഫിൽട്ടർ ചെയ്യാത്ത പ്രതികരണങ്ങൾ ഉപയോക്താക്കളെ അമ്പരപ്പിക്കുകയും AI യുടെ ഭാവിയെക്കുറിച്ച് സോഷ്യൽ മീഡിയയിൽ ഒരു ചർച്ചയ്ക്ക് തുടക്കമിടുകയും ചെയ്തു.
