കൊറോണ വൈറസ് പകർച്ചവ്യാധിക്കിടയിൽ കേന്ദ്രത്തിന്റെ “അൺലോക്ക് 3” പദ്ധതിയുടെ ഭാഗമായി ബുധനാഴ്ച മുതൽ വീണ്ടും തുറക്കാൻ അനുമതിയുള്ള രാജ്യത്തുടനീളമുള്ള യോഗ സ്ഥാപനങ്ങൾക്കും ജിമ്മുകൾക്കുമായി പുതിയ മാർഗനിർദ്ദേശങ്ങൾ പുറത്തിറക്കി.
കോവിഡ്-19 ശ്വസന തുള്ളികളിലൂടെയും ഉപരിതല സമ്പർക്കത്തിലൂടെയും വ്യാപിക്കുന്നതിനാൽ യോഗ കേന്ദ്രങ്ങളിലെയും ജിമ്മുകളിലെയും ജീവനക്കാരും സന്ദർശകരും തമ്മിലുള്ള ശാരീരിക ബന്ധം കുറയ്ക്കണമെന്ന് മാർഗനിർദ്ദേശങ്ങളിൽ പറയുന്നു.
എന്നിരുന്നാലും, കണ്ടെയ്ന്‍മെന്റ് സോണുകളിലെ യോഗ സ്ഥാപനങ്ങളും ജിമ്മുകളും അടഞ്ഞു തന്നെ കിടക്കും. കണ്ടെയ്ന്‍മെന്റ് സോണിന് പുറത്തുള്ളവർക്ക് മാത്രമേ തുറക്കാൻ അനുവാദമുള്ളൂ. സ്പാ, സൗന, സ്റ്റീം ബാത്ത്, നീന്തൽക്കുളങ്ങൾ എന്നിവയാണ് വീണ്ടും തുറക്കാൻ അനുവദമില്ലാത്ത മറ്റ് സൗകര്യങ്ങൾ.
പുതിയ മാർ‌ഗനിർ‌ദ്ദേശങ്ങളിലെ ചില പ്രധാന പോയിൻറുകൾ:
65 വയസ്സിനു മുകളിലുള്ളവർ, രോഗാവസ്ഥയുള്ളവർ, ഗർഭിണികൾ, 10 വയസ്സിന് താഴെയുള്ള കുട്ടികൾ എന്നിവർ അടഞ്ഞ സ്ഥലങ്ങളിലെ ജിമ്മുകൾ ഉപയോഗിക്കരുതെന്ന് ആവശ്യപ്പെട്ടിട്ടുണ്ട്.
പരിസരത്ത് എല്ലാ സമയത്തും മുഖംമൂടി അല്ലെങ്കിൽ മാസ്ക് നിർബന്ധമാണ്. എന്നാൽ വ്യായാമ സമയത്ത്, മാസ്ക് ശ്വസിക്കുന്നത് ബുദ്ധിമുട്ടാക്കുന്നതിനാൽ മുഖം മറയ്ക്കുന്ന എന്തെങ്കിലും ഉപയോഗിക്കാം.
കോവിഡ്-19 ട്രാക്കർ ആപ്ലിക്കേഷനായ ആരോഗ്യ സേതു ഉപയോഗിക്കാൻ ശിപാർശ ചെയ്യുന്നു.
യോഗ അല്ലെങ്കിൽ ജിം തറയിൽ ഒരാൾക്ക് നാല് മീറ്റർ ഇടമുണ്ടായിരിക്കണം. ഉപകരണങ്ങൾ ആറടി അകലെ സൂക്ഷിക്കണം, സാദ്ധ്യമാകുന്നിടത്തെല്ലാം അവ തുറസ്സായ സ്ഥലത്ത് സ്ഥാപിക്കണം.
ചുമരുകളിൽ ശരിയായ ദിശ അടയാളപ്പെടുത്തി കൊണ്ട് കെട്ടിടത്തിലേക്ക് പ്രവേശിക്കുന്നതിനും പുറത്തു കടക്കുന്നതിനും പ്രത്യേക പാതകൾ സൃഷ്ടിക്കുക.
എയർ കണ്ടീഷനിംഗിനും വെന്റിലേഷനും, താപനില ക്രമീകരണം 24-30 ഡിഗ്രി സെൽഷ്യസ് പരിധിയിലായിരിക്കണം, കഴിയുന്നത്ര ശുദ്ധവായു കടക്കണം.
കെട്ടിടങ്ങളുടെ കവാടങ്ങളിൽ സാനിറ്റൈസർ ഡിസ്പെൻസറുകളും തെർമൽ സ്ക്രീനിംഗ് ഉപകരണങ്ങളും ഉണ്ടായിരിക്കണമെന്ന് ആരോഗ്യ മന്ത്രാലയത്തിന്റെ മാർഗ്ഗനിർദ്ദേശങ്ങൾ പറയുന്നു. ജീവനക്കാർ ഉൾപ്പെടെയുള്ള രോഗലക്ഷണമില്ലാത്ത ആളുകൾക്ക് മാത്രമേ പ്രവേശിക്കാൻ അനുവാദമുള്ളൂ.
ഒരു വ്യക്തി രോഗബാധിതനാണെന്ന് സംശയിക്കുന്നുവെങ്കിൽ, ആ വ്യക്തിയെ മറ്റുള്ളവരിൽ നിന്ന് മാറ്റി ഒരു മുറിയിലോ മറ്റേതെങ്കിലും ഇടത്തിലോ ഇരുത്തണം. ജീവനക്കാർ ഉടൻ തന്നെ അടുത്തുള്ള ആശുപത്രിയിൽ അറിയിക്കുകയോ സംസ്ഥാന അല്ലെങ്കിൽ ജില്ലാ ഹെൽപ്പ് ലൈനിൽ വിളിക്കുകയോ ചെയ്യണമെന്ന് ആരോഗ്യ മന്ത്രാലയം അറിയിച്ചു.