ഗുജറാത്ത്, ഹിമാചല്‍പ്രദേശ് സംസ്ഥാനങ്ങളിലെ നിയമസഭാ തിരഞ്ഞെടുപ്പ് പ്രഖ്യാപനം ഇന്നുണ്ടാകുമെന്ന് റിപ്പോര്‍ട്ട്. തിയതിയും മറ്റ് വിശദാംശങ്ങളും പ്രഖ്യാപിക്കുന്നതിനായി തിരഞ്ഞെടുപ്പ് കമ്മിഷന്റെ വാര്‍ത്താസമ്മേളനം ഉച്ച കഴിഞ്ഞ് മൂന്നുമണിയോടെയുണ്ടാകും.
ജമ്മുകശ്മീര്‍ നിയമസഭാ തിരഞ്ഞെടുപ്പും പരിഗണനയിലുണ്ട്. അതേസമയം ഹിമാചല്‍ പ്രദേശിലെ പ്രചാരണത്തിന് ഉച്ചയോടെ പ്രിയങ്ക ഗാന്ധി തുടക്കമിടും. ഉത്തര്‍പ്രദേശ്, പഞ്ചാബ്, ഗോവ, ഉത്തരാഖണ്ഡ്, മണിപ്പൂര്‍ സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഈ വര്‍ഷം നടന്നിരുന്നു.
രാഷ്ട്രീയ പാര്‍ട്ടികള്‍ വിപുലവും ശക്തവുമായ പ്രചാരണമാണ് സംസ്ഥാനങ്ങളില്‍ ആരംഭിച്ചിട്ടുള്ളത്. തയ്യാറെടുപ്പുകള്‍ അവലോകനം ചെയ്യുന്നതിനായി മുഖ്യ തിരഞ്ഞെടുപ്പ് കമ്മീഷണര്‍ രാജീവ് കുമാറിന്റെ നേതൃത്വത്തിലുള്ള ഉന്നതതല സംഘം അടുത്തിടെ ഹിമാചല്‍ പ്രദേശും ഗുജറാത്തും സന്ദര്‍ശിച്ചിരുന്നു.