ബിജെപി ദേശീയാദ്ധ്യക്ഷൻ ജെപി നദ്ദയ്ക്കും കര്‍ണാടക ബിജെപി അധ്യക്ഷൻ വിജയേന്ദ്രയ്ക്കും ഐടി സെൽ മേധാവി അമിത് മാളവ്യയ്ക്കും എതിരെ കേസെടുത്ത് കര്‍ണാടക പൊലീസ്. മുസ്ലിം വിഭാഗത്തിനെതിരെ കർണാടക ബിജെപി എക്സ് ഹാൻഡിലിൽ പങ്കുവെച്ച വിദ്വേഷ വീഡിയോയുമായി ബന്ധപ്പെട്ട പരാതിയിലാണ് കേസ് രജിസ്റ്റര്‍ ചെയ്തിരിക്കുന്നത്.
മതവികാരം വ്രണപ്പെടുത്തി, മതസ്പർദ്ധ വളർത്താൻ ശ്രമിച്ചു എന്നീ വകുപ്പുകൾ ചുമത്തിയാണ് കേസ് എടുത്തിരിക്കുന്നത്. വീഡിയോയ്ക്കെതിരെ കര്‍ണാടക കോൺഗ്രസ് തിരഞ്ഞെടുപ്പ് കമ്മീഷന് പരാതി നൽകിയിരുന്നു. കര്‍ണാടക ബിജെപിയുടെ എക്സ് ഹാന്‍ഡിലില്‍ വന്ന വീഡിയോ അമിത് മാളവ്യ തന്‍റെ എക്സ് അക്കൗണ്ടില്‍ പങ്കുവെച്ചിരുന്നു.
മുസ്ലീം വിഭാഗത്തിന് വീണ്ടും വീണ്ടും ആനുകൂല്യം നല്‍കുമ്പോള്‍ എസ്‌സി, എസ്ടി, ഒബിസി വിഭാഗത്തെ തഴയുന്ന തരത്തിലുള്ള കാര്‍ട്ടൂണ്‍ വീഡിയോ ഷെയര്‍ ചെയ്തത്തിതിനെതിരെയാണ് കോൺഗ്രസ് പരാതി നൽകിയത്.