അയോധ്യയിലെ തർക്കഭൂമിയിൽ രാമക്ഷേത്രം മാത്രമേ ഉയരുകയുള്ളെന്ന ആർഎസ്എസ് മേധാവി മോഹൻ ഭാഗവതിന്റെ പ്രസ്താവനയ്ക്കെതിരെ ഓൾ ഇന്ത്യ മജ്ലിസ് ഇ ഇത്തെഹദുൾ മുസ്ലിമിൻ അധ്യക്ഷൻ അസാദുദ്ദീൻ ഒവൈസി രംഗത്തെത്തി.
രാമക്ഷേത്രം മാത്രമേ ഉയരുകയുള്ളെന്നു പറയാൻ മോഹൻ ഭഗവത് സുപ്രീം കോടതി ചീഫ് ജസ്റ്റീസാണോയെന്ന് ഒവൈസി ചോദിച്ചു. ഇത്തരം പ്രസ്താവനകൾ നടത്തുന്നതിന്റെ പിന്നിലെ കാരണമെന്താണെന്ന് ആർഎസ്എസ് വ്യക്തമാക്കണം.
Read more
അയോധ്യയുമായി ബന്ധപ്പെട്ട കേസ് സുപ്രീം കോടതിയുടെ പരിഗണനയിലായിരിക്കുമ്പോൾ ഇപ്രകാരം എങ്ങനെ സംസാരിക്കാൻ കഴിയുന്നെന്നും അദ്ദേഹം ചോദിച്ചു. എന്ത് നയത്തിന്റെ അടിസ്ഥാനത്തിലാണ് ഇക്കാര്യങ്ങൾ പറയുന്നത്, അദ്ദേഹം എന്താ ചീഫ് ജസ്റ്റിസ് ആണോയെന്നും അദ്ദേഹം കുറ്റപ്പെടുത്തി.