ചൈന-പാകിസ്ഥാൻ സംയുക്ത പ്രസ്താവനയിൽ ജമ്മു കശ്മീരിനെ കുറിച്ചുള്ള പരാമർശം ഇന്ത്യ നിരസിച്ചു. കൂടാതെ പാകിസ്ഥാൻ അധിനിവേശ കശ്മീരിലെ ചൈന-പാകിസ്ഥാൻ സാമ്പത്തിക ഇടനാഴി (സിപിഇസി) യുമായി ബന്ധപ്പെട്ട പ്രവർത്തനങ്ങൾ അവസാനിപ്പിക്കണമെന്ന് ഇരു രാജ്യങ്ങളോടും ഇന്ത്യ ആവശ്യപ്പെട്ടു.

ചൈനീസ് വിദേശകാര്യമന്ത്രിയുടെ സമീപകാല സന്ദർശനത്തിന് ശേഷം ചൈനയും പാകിസ്ഥാനും സംയുക്ത പ്രസ്താവനയിൽ നടത്തിയ ജമ്മു കശ്മീർ പരാമർശം ഞങ്ങൾ നിരസിക്കുന്നു. ജമ്മു കശ്മീർ ഇന്ത്യയുടെ അവിഭാജ്യ ഘടകമാണ്. 1947 മുതൽ പാകിസ്ഥാൻ നിയമവിരുദ്ധമായി കൈവശപ്പെടുത്തിയിരിക്കുന്ന ഇന്ത്യയുടെ പ്രദേശത്തുള്ള ചൈന-പാകിസ്ഥാൻ സാമ്പത്തിക ഇടനാഴിയിലെ പദ്ധതികളിൽ ഇന്ത്യ ചൈനയോടും പാകിസ്ഥാനോടും നിരന്തരം ആശങ്ക പ്രകടിപ്പിച്ചിട്ടുണ്ട്,” വിദേശകാര്യ മന്ത്രാലയത്തിന്റെ വക്താവ് രവീഷ് കുമാർ പറഞ്ഞു.

“പാകിസ്ഥാൻ അധിനിവേശ കശ്മീരിലെ സ്ഥിതിഗതികൾ മാറ്റുന്നതിനുള്ള മറ്റ് രാജ്യങ്ങളുടെ നടപടിയെ ഇന്ത്യ ശക്തമായി എതിർക്കുന്നു. അത്തരം നടപടികൾ അവസാനിപ്പിക്കാൻ ബന്ധപ്പെട്ട കക്ഷികളോട് ഞങ്ങൾ ആഹ്വാനം ചെയ്യുന്നു, ”രവീഷ് കുമാർ വ്യക്തമാക്കി.

Read more

അന്താരാഷ്ട്ര ക്രിക്കറ്റില്‍ ഇനി സഞ്ജുവിന്‍റെ സമയം, വൈകാതെ നായകസ്ഥാനത്തേക്ക്!

കോകിലയ്ക്ക് പേടിയായിരുന്നു, കൊച്ചിയില്‍ ഒരുപാട് പ്രശ്‌നങ്ങളുണ്ടായി.. വൈക്കത്ത് ഞാന്‍ സ്‌കൂള്‍ കെട്ടും, രോഗികളെ പരിചരിക്കും: ബാല

ഗോവയില്‍ വിനായകന്റെ ഭരണിപ്പാട്ട്; വീഡിയോ വൈറലാകുന്നു

കടുത്ത പരിഹാസം നേരിട്ടു, കടലില്‍ ചാടി മരിക്കാന്‍ ശ്രമിച്ചു; പിതാവ് എഎന്‍ആറിനെ കുറിച്ച് നാഗാര്‍ജുന

മകള്‍ക്ക് വേണ്ടി അച്ഛന്‍ ചെയ്യുന്ന ത്യാഗം ആരും കാണുന്നില്ല, രഹസ്യമായിട്ടാണ് എല്ലാ കാര്യങ്ങളും ചെയ്യുന്നത്: അഭിഷേക് ബച്ചന്‍

ചൈനീസ് വിദേശകാര്യമന്ത്രി വാങ് യി വാരാന്ത്യത്തിൽ പാകിസ്ഥാൻ സന്ദർശിക്കുകയും പ്രാദേശിക വിഷയങ്ങൾ ചർച്ച ചെയ്യുകയും ചെയ്തിരുന്നു. സന്ദർശനത്തിൽ അതിർത്തി പ്രദേശങ്ങളുടെ സമഗ്രതയും പരമാധികാരവും സംരക്ഷിക്കുന്നതിനായി പാകിസ്ഥാന് ചൈന നൽകിയ പിന്തുണ ആവർത്തിച്ചു. ഓഗസ്റ്റ് 5- ന് ജമ്മു കശ്മീരിന്റെ പ്രത്യേക പദവി ഇന്ത്യ അവസാനിപ്പിച്ചതിനു ശേഷം പാകിസ്ഥാനും ചൈനയും തമ്മിലുള്ള നയതന്ത്ര ചർച്ചകളുടെ ഭാഗമായിരുന്നു ഈ സന്ദർശനം.